Krithi Shetty: తొలి అడుగు పడింది

‘ఉప్పెన’తో తెలుగులోకి అడుగుపెట్టి భారీ విజయాన్ని అందుకుంది కృతిశెట్టి (Krithi Shetty). ఆ తర్వాత వరసగా విజయాలు అందుకున్న ఆ నాయికను ఈ ఏడాది మాత్రం పరాజయాలే పలకరించాయి. తాజాగా ఆమె మలయాళ చిత్రసీమలోకి కూడా అడుగుపెట్టిన సంగతి తెలిసిందే. ఈ మధ్యే ‘మిన్నల్‌ మురళి’ చిత్రంతో మంచి విజయం అందుకున్న టొవినో థామస్‌ కథానాయకుడిగా ‘అజయంతే రంధం మోషణమ్‌’ అనే చిత్రాన్ని రూపొందిస్తున్నారు దర్శకుడు జితిన్‌ లాల్‌. తాజాగా ఈ సినిమా సెట్లోకి కృతి అడుగుపెట్టింది. చిత్రీకరణ కూడా శరవేగంగా జరుగుతున్నట్లు దర్శకుడు వెల్లడించారు. ఈ చిత్రంలో కృతి పాత్ర కీలకంగా నిలవనుందని చిత్రవర్గాలు చెబుతున్నాయి. 1900ల కాలంలో ఉత్తర కేరళలో జరిగే కథ ఇది. ఇందులో టొవినో మూడు పాత్రల్లో కనిపించనున్నారు.