Nagachaitanya: మరోసారి నాగచైతన్య- కృతిశెట్టి జోడీ సందడి షురూ

ఇంటర్నెట్ డెస్క్‌: ‘బంగార్రాజు’తో ఆన్‌స్క్రీన్‌పై అలరించిన జోడీ నాగచైతన్య-కృతిశెట్టి. ఈ సినిమా తర్వాత ఈ జోడీకి ప్రేక్షకుల్లో విశేష స్పందన లభించింది. తాజాగా మరోసారి ఈ జోడీ సందడి చేసేందుకు సిద్ధమైంది. తమిళంలో డైరెక్టర్‌గా గుర్తింపు తెచ్చుకున్న వెంకట్‌ప్రభు దర్శకత్వం వహిస్తున్న ఓ సినిమాలో వీరిద్దరూ కలిసి నటించనున్నారు. ఈ విషయాన్ని తాజాగా చిత్రనిర్మాణ సంస్థ అధికారికంగా ప్రకటించింది. గురువారం ఉదయం ఈ సినిమా పూజా కార్యక్రమం హైదరాబాద్‌లో వేడుకగా జరిగింది. లింగుస్వామి, బోయపాటి శ్రీను, రానా తదితరులు ఈ కార్యక్రమంలో పాల్గొని టీమ్‌కు అభినందనలు తెలిపారు. రానా కెమెరా స్విచ్ఛాన్‌ చేయగా.. బోయపాటి నటీనటులపై క్లాప్‌ కొట్టారు. శ్రీనివాసా సిల్వర్‌ స్క్రీన్‌ పతాకంపై రూపుదిద్దుకుంటోన్న ఈ చిత్రానికి ఇళయరాజా, యువన్‌ శంకర్‌ రాజా స్వరాలు అందించనున్నారు.