Kriti Sanon: ఛాన్స్‌ వస్తే ప్రభాస్‌ను పెళ్లి చేసుకుంటా: కృతిసనన్‌

ముంబయి: పాన్‌ ఇండియా ప్రాజెక్ట్‌ ‘ఆదిపురుష్‌’ (Adipurush) కోసం మొదటిసారి ప్రభాస్‌తో (Prabhas) కలిసి పనిచేశారు నటి కృతిసనన్ (Kriti Sanon)‌. దేశవ్యాప్తంగా అభిమానులున్న డార్లింగ్‌తో స్క్రీన్‌ షేర్‌ చేసుకోవడం ఆనందంగా ఉందని ఇప్పటికే పలు సందర్భాల్లో ఆమె బయటపెట్టిన విషయం తెలిసిందే. తాజాగా ఈ భామకు సంబంధించిన ఓ పాత వీడియో నెట్టింట చక్కర్లు కొడుతోంది. 

‘ఆదిపురుష్‌’ ప్రాజెక్ట్‌లో భాగం కావడంతోనే కృతిసనన్‌కు ఫేమ్‌ మరింత పెరిగింది. దీంతో ఆమె గతేడాది వరుస ఇంటర్వ్యూల్లో పాల్గొన్నారు. అలా, ఇచ్చిన ఓ ఇంటర్వ్యూలో ‘‘అవకాశం వస్తే ప్రభాస్‌, టైగర్‌ ష్రాఫ్‌, కార్తిక్‌ ఆర్యన్‌.. వీళ్లల్లో ఎవరిని పెళ్లి చేసుకోవాలనుకుంటున్నారు? ఎవరితో డేటింగ్‌ చేయాలనుకుంటున్నారు? అలాగే ఫ్లర్ట్‌ కూడా?’’ అని విలేకరి కృతిని ప్రశ్నించింది. ‘‘కార్తిక్‌ ఆర్యన్‌ను ఫ్లర్ట్‌,  టైగర్‌తో డేటింగ్‌ చేస్తా. ఇక, ప్రభాస్‌ను పెళ్లి చేసుకుంటా’’ అని ఆమె బదులిచ్చింది.

మరోవైపు, ‘తోడేలు’ ప్రమోషన్స్‌లోనూ ప్రభాస్‌ గురించి కృతి మాట్లాడారు. ఆయనే తన అభిమాన నటుడని, షూట్‌ సమయంలో భాషాపరంగా సాయం చేశారని చెప్పారు. రామాయణాన్ని ఆధారంగా చేసుకుని తెరకెక్కిన ‘ఆదిపురుష్‌’ వచ్చే ఏడాది జూన్‌లో విడుదల కానుంది. ఓం రౌత్‌ దర్శకత్వం వహించిన ఈసినిమాలో ప్రభాస్‌ రాముడిగా కనిపించగా.. కృతి సీత పాత్రలో మెరవనుంది.