Published : 17 Sep 2021 19:39 IST

Bollywood: ‘లాల్‌ సింగ్‌..’కి గుమ్మడికాయ్‌ కొట్టేశారు!

ముంబయి: ఆమిర్‌ఖాన్‌ ప్రధాన పాత్రలో నటిస్తున్న ‘లాల్‌ సింగ్‌ చద్దా’ షూటింగ్‌ శుక్రవారంతో పూర్తయింది. కరీనా కపూర్‌, అక్కినేని నాగచైతన్య ఇందులో కీలక పాత్రలు పోషించారు. కామెడీ- డ్రామా నేపథ్యంలో తెరకెక్కిన ఈ సినిమాకి అద్వైత్ చందన్ దర్శకత్వం వహించారు. షూటింగ్‌ ఆఖరిరోజున ఆమిర్‌ఖాన్‌, చిత్రబృందంతో కేక్‌ కట్‌ చేస్తూ సందడి చేశారు. హీరోయిన్‌ కరీనా కపూర్‌ ‘లాల్‌ సింగ్‌’ తనకెంతో ప్రత్యేమని గతంలో పంచుకున్నారు.

‘‘లాల్‌ సింగ్‌ చద్దా షూటింగ్‌ వేళ ఎన్నో సమస్యలు ఒకేసారి వచ్చిపడ్డాయి. మహమ్మారి కరోనా ఉండటం, నేను రెండోసారి గర్భం దాల్చడం.. దీంతో ఒకింత భయానికి గురయ్యా. అయితే ఇవేవీ షూటింగ్‌ పై నాకున్న ఆసక్తిని ఆపలేదు. ఇక చిత్రీకరణ జరిగేంత వరకూ జాగ్రత్త చర్యలు పాటించాం’’ అని అభిమానులతో పంచుకున్నారు. నాగచైతన్య సైతం బాలీవుడ్‌లో ఈ చిత్రంతోనే తెరంగేట్రం చేయబోతున్నారు. దేశ సరిహద్దు లద్దాఖ్‌తో పాటు ఇందులోని కొన్ని కీలక సన్నివేశాలను తూర్పుగోదావరి జిల్లా కాకినాడలో చిత్రీకరించడం విశేషం. 1994 హాలీవుడ్‌లో విజయవంతమైన ‘ఫారెస్ట్‌ గంప్‌’కి ఇది రీమేక్‌గా రూపొందుతోంది. ఆస్కార్ విజేత టామ్ హాంక్స్ ప్రధాన పాత్రలో నటించారు. ‘లాల్ సింగ్ చద్దా’ 2019 అక్టోబర్ 31న చంఢీగఢ్‌లో ప్రారంభమైంది. కొవిడ్ మహమ్మారి కారణంగా సినిమా షూటింగ్‌ 2020 మార్చిలో నిలిపివేశారు. మరి ఇన్ని ప్రత్యేకతలు ఉన్న సినిమా చూడాలంటే 2021 క్రిస్మస్‌ వరకూ ఆగాల్సిందే!

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని