F3: ‘ఎఫ్‌ 3’ డబ్బు గీతం.. ఫుల్‌ వీడియో వచ్చేసింది!

ఇంటర్నెట్‌ డెస్క్‌: డబ్బు, ఫ్రస్టేషన్‌ ఇతివృత్తంగా హాస్య నేపథ్యంలో తెరకెక్కిన చిత్రం ‘ఎఫ్‌ 3’ (F3). ఇటీవల విడుదలైన ఈ చిత్రం మంచి విజయాన్ని అందుకుంది. ఈ సినిమా నుంచి ఇప్పటికే కొన్ని సాంగ్స్‌ ఫుల్‌ వీడియోలు విడుదల కాగా తాజాగా ‘లబ్‌ డబ్‌ లబ్‌ డబ్‌ డబ్బు...’ (Lab Dab Dabboo) ఫుల్‌ వీడియో సాంగ్‌ రిలీజ్‌ అయింది. డబ్బున్న వారినే ప్రపంచం గుర్తిస్తుంది.. ఆ డబ్బుంటే ప్రపంచమే జేబులోకి వస్తుందంటూ సరదాగా సాగుతూనే ఆలోచింపజేసే ఈ గీతాన్ని భాస్కరభట్ల రచించారు. రామ్‌ మిర్యాల ఆలపించారు. దేవిశ్రీ ప్రసాద్‌ స్వరాలందించారు. ఈ పాట లిరికల్‌ వీడియోకు మంచి స్పందన రాగా ఫుల్‌ వీడియో అదే బాటలో దూసుకెళ్లేలా ఉంది. ఈ వీడియోలో వెంకటేశ్‌ (Venkatesh), వరుణ్‌ (Varun Tej) హావభావాలు ప్రత్యేక ఆకర్షణగా నిలిచాయి.

‘ఎఫ్‌ 2’కు కొనసాగింపుగా ‘ఎఫ్‌ 3’ రూపొందిన విషయం తెలిసిందే. అనిల్‌ రావిపూడి దర్శకత్వం వహించిన ఈ సినిమాలో తమన్నా, మెహరీన్‌, సునీల్‌, సోనాల్‌ చౌహాన్‌ తదితరులు కీలక పాత్రలు పోషించారు. మరి ఈ ‘సమ్మర్ సోగ్గాళ్లు’ ధనం గురించి ఏం ఉపదేశం ఇచ్చారో వినేయండి, పనిలోపనిగా చూసేయండి.