Lata Mangeshkar: అధికారిక లాంఛనాలతో లతా మంగేష్కర్‌ అంత్యక్రియలు

ముంబయి:  ప్రముఖ గాయని, భారతరత్న లతా మంగేష్కర్‌కు అధికారిక లాంఛనాలతో అంత్యక్రియలు నిర్వహించారు. ముంబయిలోని శివాజీ పార్క్‌లో అభిమానులు, సినీ, రాజకీయ ప్రముఖుల కన్నీటి వీడ్కోలు నడుమ అంతిమ సంస్కారాలు పూర్తి చేశారు. లతా మంగేష్కర్‌ అంత్యక్రియలకు ప్రధాన మంత్రి నరేంద్రమోదీ హాజరై నివాళులర్పించారు. ఆమె కుటుంబ సభ్యులను పరామర్శించి ఓదార్చారు. మహారాష్ట్ర ముఖ్యమంత్రి ఉద్దవ్‌ ఠాక్రే, ఎన్సీపీ అధినేత శరద్‌పవార్‌, మాజీ క్రికెటర్‌ సచిన్‌ తెందూల్కర్‌, సినీ నటులు షారూక్‌ ఖాన్‌, సినీరచయిత జావెద్‌ అక్తర్‌ తదితరులు హాజరై నివాళులర్పించారు. అంతకు ముందు ముంబయిలోని లతాజీ ఇంటి వద్ద ఆమె పార్థివ దేహంపై జాతీయ పతాకాన్ని కప్పి సైనిక వందనం సమర్పించారు. లతా మంగేష్కర్‌కు ముంబయి వాసులు కన్నీటి వీడ్కోలు పలికారు.