Cinema News: సినిమా ముచ్చట్లు
బాలీవుడ్లో తనకంటూ ఓ పేజీ లిఖించుకున్న దిగ్దర్శకుడు యశ్ చోప్రా (Yash Chopra). ‘దీవార్’, ‘సిల్సిలా’, చాంద్నీ’, ‘లమ్హే’, ‘దిల్ తో పాగల్ హై’, ‘మొహబ్బతే’ ‘ఫనా’లాంటి ఎన్నో మరపురాని ప్రేమకథా చిత్రాలను తెరకెక్కించారాయన.
యశ్చోప్రాకి ప్రేమాంజలి..
బాలీవుడ్ (Bollywood)లో తనకంటూ ఓ పేజీ లిఖించుకున్న దిగ్దర్శకుడు యశ్ చోప్రా (Yash Chopra). ‘దీవార్’, ‘సిల్సిలా’, చాంద్నీ’, ‘లమ్హే’, ‘దిల్ తో పాగల్ హై’, ‘మొహబ్బతే’ ‘ఫనా’లాంటి ఎన్నో మరపురాని ప్రేమకథా చిత్రాలను తెరకెక్కించారాయన. ఆయన వారసుడు ఆదిత్య చోప్రా యశ్రాజ్ ఫిల్మ్స్ పతాకంపై ఎన్నో సినిమాలు నిర్మించి, కొన్నింటికి దర్శకత్వం వహించారు. బాలీవుడ్ తెరపై చెరగని ముద్ర వేసిన ఈ ద్వయంలో యశ్చోప్రాని స్మరించుకుంటూ.. ఆదిత్య చోప్రా పనితనం వివరిస్తూ ‘ది రొమాంటిక్స్’ (The Romantics) పేరుతో దర్శకురాలు స్మృతి ముంద్రా ఓ డాక్యుమెంటరీ సిరీస్ రూపొందించారు. ఇందులో ఆ ఇద్దరితో కలిసి పనిచేసిన ఆమిర్ఖాన్, షారుక్ ఖాన్, సల్మాన్ఖాన్, అమితాబ్ బచ్చన్, రణ్బీర్ కపూర్, హృతిక్ రోషన్, కాజోల్లతో సహా.. ఎందరో నటీనటులు తమ అనుభవాలు పంచుకోనున్నారు. ప్రేమికుల దినోత్సవం సందర్భంగా ఫిబ్రవరి 14న ఈ నాలుగు భాగాల డాక్యుమెంటరీ విడుదల కానుంది. ఈ నేపథ్యంలో ఇటీవల ట్రైలర్ విడుదల చేశారు. ఆ ట్రైలర్ని సామాజిక మాధ్యమాల్లో పంచుకుంటూ ‘నా ఈ డాక్యుమెంటరీ యాభై ఏళ్ల బాలీవుడ్ సినిమాకి ఓ స్మృత్యాంజలి. తమ లెన్స్ ద్వారా మూడు తరాల నటులను ప్రేక్షకుల ముందుకు తీసుకొచ్చిన ఇద్దరు సినీశిల్పుల వివరాలతో మొదటి భాగం మీ ముందుకొస్తోంది’ అంటూ కామెంట్ చేశారు స్మృతి.
‘ఏజెంట్’ రాక ఆరోజే
ఈ వేసవికి ‘ఏజెంట్’ (Agent)తో సినీప్రియుల్ని పలకరించనున్నారు అఖిల్ అక్కినేని (Akhil Akkineni). ఆయన హీరోగా నటిస్తున్న ఈ పాన్ ఇండియా చిత్రాన్ని సురేందర్ రెడ్డి తెరకెక్కిస్తున్న సంగతి తెలిసిందే. రామబ్రహ్మం సుంకర నిర్మాత. సాక్షి వైద్య కథానాయిక. మమ్ముట్టి కీలక పాత్ర పోషిస్తున్నారు. ఈ సినిమాని ఏప్రిల్ 28న విడుదల చేయనున్నట్లు శనివారం అధికారికంగా ప్రకటించారు. ఈ మేరకు ఓ యాక్షన్ గ్లింప్స్ను సామాజిక మాధ్యమాల్లో పంచుకున్నారు. అందులో ఓ వ్యక్తి అఖిల్ను కుర్చీకి కట్టేసి, ముసుగేసి కొట్టడాన్ని చూపించారు. అతను తను పని చేస్తున్న ఏజెన్సీ గురించి ప్రశ్నించగా.. ‘ఒసామా బిన్ లాడెన్, గడాఫీ, హిట్లర్’ అని అఖిల్ బదులివ్వడం ఆసక్తిరేకెత్తించింది. స్టైలిష్ స్పై థ్రిల్లర్గా రూపొందుతోన్న ఈ చిత్రంలో ఆయన శక్తిమంతమైన స్పైగా కనిపించనున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ప్రేమలో పడ్డారు.. లవ్ స్టోరీతో..
ఒకప్పుడు మన సినిమాల్లో ప్రేమకథలదే జోరు. అగ్ర తారలు సైతం ప్రేమ లేఖలు రాస్తూ... ప్రేమ పాటలు పాడుకుంటూ తెరపై కనిపించేవాళ్లు. ఆ తర్వాత యువ హీరోలకే ఆ కథలు పరిమితం అయ్యాయి -
500మంది డ్యాన్సర్లతో వెల్కమ్ ఆటాపాటా
బాలీవుడ్లోని ప్రముఖ నటీనటులందరినీ ఏకం చేసి కొత్త తరహా కాన్సెప్ట్తో ప్రేక్షకులను అలరించడానికి రాబోతున్న చిత్రం ‘వెల్కమ్ టు ది జంగిల్’. అగ్రకథానాయకుడు అక్షయ్ కుమార్ ప్రధాన పాత్రలో నటిస్తున్నారు. -
‘హను-మాన్’ విజయం ప్రేక్షకుల బహుమానం
‘‘నా చిన్నప్పుడు చూసిన వంద రోజుల సినిమా వేడుకలు బాగా గుర్తున్నాయి. కానీ దర్శకుడినయ్యాక సినిమాల ప్రదర్శనలు ఒక వారానికి పరిమితం అయ్యాయి. -
గోద్రా రైలులోని రహస్యాలు బయటపడేది ఆ రోజే
గోద్రా రైలు దహనకాండ ఆధారంగా రూపొందుతున్న చిత్రం ‘ది సబర్మతీ రిపోర్ట్’. బాలీవుడ్ కథానాయకుడు విక్రాంత్ మాస్సే, రాశీ ఖన్నా జంటగా నటిస్తున్నారు. -
సందీప్ కిషన్ చిత్రం ప్రారంభం
ముప్పై సినిమాల మైలురాయిని చేరుకున్నారు సందీప్కిషన్. ఆయన కథానాయకుడిగా ఏకే ఎంటర్టైన్మెంట్స్తో కలిసి హాస్య మూవీస్ ఓ చిత్రాన్ని రూపొందిస్తోంది. -
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
‘శ్రీకాంత్’ కోసం ఆమిర్ గీతం
మరికొద్ది రోజుల్లో ‘శ్రీకాంత్’ సినిమాతో ప్రేక్షకుల్ని పలకరించడానికి సిద్ధమవుతున్నాడు బాలీవుడ్ కథానాయకుడు రాజ్కుమార్ రావ్. తుషార్ హీరానందాని తెరకెక్కిస్తున్నారు. -
మోహన్లాల్ 360 షురూ
ప్రయోగాత్మక కథలు, భిన్నమైన పాత్రలు ఎంచుకుంటూ సినీప్రియుల్ని మెప్పించే మోహన్లాల్.. ప్రధాన పాత్రలో నటిస్తున్న చిత్రం ‘ఎల్360’ (వర్కింగ్ టైటిల్). తరుణ్ మూర్తి తెరకెక్కిస్తున్నారు. -
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
పూరి మ్యూజింగ్స్లో ‘ది డెవిల్’ అంటూ ఆలోచనల గురించి మాట్లాడారు పూరి జగన్నాథ్ -
కియారా ‘టీ’ ముచ్చట.. సోనాల్ బ్రేక్ఫాస్ట్ సంగతులు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..