Chiranjeevi: దీపావళికి మాస్‌ సందడి

చిరంజీవి (Chiranjeevi) కథానాయకుడిగా బాబీ (కె.ఎస్‌.రవీంద్ర) (Bobby) దర్శకత్వంలో ఓ మాస్‌ యాక్షన్‌ చిత్రం తెరకెక్కుతోంది. ఇందులో రవితేజ (Raviteja) ఓ శక్తిమంతమైన పాత్ర పోషిస్తున్నారు. శ్రుతిహాసన్‌ కథానాయిక. ఈ సినిమా సంక్రాంతికి ప్రేక్షకుల ముందుకు రానుంది. ఈ నేపథ్యంలోనే చిత్రాన్ని చకచకా ముస్తాబు చేస్తోంది చిత్ర బృందం. ఇందులో భాగంగా శుక్రవారం డబ్బింగ్‌ పనులకు శ్రీకారం చుట్టారు. దీంతో పాటు దీపావళికి టైటిల్‌ టీజర్‌ విడుదల చేయనున్నట్లు స్పష్టత ఇచ్చారు. దీనిపై చిత్ర సంగీత దర్శకుడు దేవిశ్రీ ప్రసాద్‌ ట్విటర్‌ వేదికగా స్పందిస్తూ.. ‘‘బాబీకి అభినందనలు. మీ కల నిజం కాబోతుంది. దీపావళికి బాస్‌ ఎగ్జైటింగ్‌ టీజర్‌. నేను బ్యాగ్రౌండ్‌ స్కోర్‌ పూర్తి చేశాను. మీ అందరితో కలిసి సంక్రాంతికి మెగా మాస్‌ ఎంటర్‌టైనర్‌ చూడటం కోసం ఆసక్తిగా ఎదురుచూస్తున్నా’’ అన్నారు. ఈ చిత్రానికి కూర్పు: నిరంజన్‌ దేవరమానే, ఛాయాగ్రహణం: ఆర్థర్‌ ఎ విల్సన్‌.