Sourav Ganguly: తుది దశలో గంగూలీ స్క్రిప్ట్‌

భారత దిగ్గజ ఆటగాడు సౌరవ్‌ గంగూలీ (Sourav Ganguly) జీవితం ఆధారంగా ఓ చిత్రం తెరకెక్కనుందని రెండేళ్ల కిందటే ప్రకటించారు. ఈ బయోపిక్‌ని మేమే నిర్మిస్తున్నామని లవ్‌ ఫిల్మ్స్‌ (Love Films) పేర్కొంది. ప్రస్తుతం స్క్రిప్ట్‌ తుది దశలో ఉంది. ఈ సినిమాకి స్క్రీన్‌ప్లే అత్యంత కీలకం కావడంతో దానిపైనే ఎక్కువ దృష్టి పెడుతున్నారు. దీన్ని ఫైనల్‌ చేయడానికి సౌరవ్‌ (Sourav) సోమవారం రాత్రి కోల్‌కతా నుంచి ముంబయి వచ్చారు. నిర్మాతలు, రచయితలతో మంగళవారం చర్చించి దీనికి ఓకే చెప్పడమే తరువాయి అంటున్నారు. ఇది ఓ కొలిక్కి రాగానే వచ్చే నెలలో షూటింగ్‌ మొదలయ్యే అవకాశం ఉన్నట్టు సమాచారం. క్రికెట్‌లో రెండు దశాబ్దాలపాటు ఓ వెలుగు వెలిగిన దాదా భారత క్రికెట్‌లో విజయవంతమైన కెప్టెన్లలో ముందుంటారు.