నవ్వండి.. మహాప్రభో..!

ఇంటర్నెట్‌ డెస్క్‌: నవ్వడం ఓ భోగం.. నవ్వించడం ఓ యోగం.. నవ్వలేకపోవడం ఓ రోగం అనేది పెద్దల మాట. ప్రస్తుత క్లిష్ట పరిస్థితుల్లో మనందరం పట్టాల్సిందే నవ్వుల బాట. ఇప్పుడే కాదు ఎప్పుడూ నవ్వు ఓ ఆయుధమే. సమస్యల్ని ఎదుర్కొనేందుకు.. ఆరోగ్యంగా ఉండేందుకు ప్రతి రోజూ హాయిగా నవ్వాల్సిందే. ఈ నవ్వు విలువని తెలిపేందుకే కొందరు దర్శకనిర్మాతలు, రచయితలు పూర్తిస్థాయి కామెడీ చిత్రాలు రూపొందించారు. మరికొందరు కొన్ని సన్నివేశాలు చిత్రీకరించారు. ఇంకొందరు నవ్వడం వల్ల ఉపయోగాలు ఏంటో పాటల రూపంలో తెలియజేశారు. నేడు (మే 2) నవ్వుల దినోత్సవం సందర్భంగా వాటిల్లో కొన్నింటిని గుర్తు చేసుకుంటూ అన్నీ మరిచి నవ్వుకుందాం..