Updated : 20 Jan 2022 14:42 IST

Lavanya - Varuntej: వరుణ్‌ తేజ్‌తో పెళ్లి.. ఫొటోతో క్లారిటీ ఇచ్చిన భామ

హైదరాబాద్‌: మెగా హీరో వరుణ్‌ తేజ్‌తో పెళ్లి అంటూ వస్తోన్న పుకార్లకు ఫొటోలతో సమాధానమిచ్చారు కథానాయిక లావణ్య త్రిపాఠి. ప్రస్తుతం తాను సొంతూరులో కుటుంబంతో ఉన్నట్లు చెప్పకనే చెప్పారు. దీంతో బుధవారం ఉదయం నుంచి వస్తున్న పెళ్లి పుకార్లకు తెరపడినట్లయింది. వరుణ్‌తేజ్‌ సోషల్‌ మీడియాలో షేర్‌ చేసిన కొన్ని ఫొటోల వల్లే ఇదంతా జరిగింది. ఇంతకీ ఏమైందంటే.

వరుణ్‌ తేజ్‌ కథానాయకుడిగా చేసిన ‘మిస్టర్‌’, ‘అంతరిక్షం’ చిత్రాల్లో హీరోయిన్‌గా నటించి మెప్పించారు నటి లావణ్య త్రిపాఠి. ఆ రెండు చిత్రాల్లో వీరి మధ్య కెమిస్ట్రీ చూసి వీళ్లిద్దరూ ప్రేమలో ఉన్నారని ఆ మధ్య అందరూ చెవులు కొరుక్కున్నారు. అంతేకాకుండా వరుణ్‌ సోదరి నటి నిహారిక పెళ్లికి లావణ్య హాజరయ్యారు. దీంతో ఆ వార్తలకు మరింత ఆజ్యం పోసినట్లు అయ్యింది. కానీ ఆ తర్వాత ఎలాంటి పుకార్లూ రాలేదు. బుధవారం వరుణ్‌ పుట్టిన రోజు కావడంతో, వేడుకల కోసం వరుణ్‌ బెంగళూరు వెళ్లారు. ఆ ఫొటోలను ఇన్‌స్టాలో షేర్‌ చేశారు. దీంతో పుకార్ల తాకిడి మళ్లీ మొదలైంది.

లావణ్యతో కలిసి బర్త్‌డే పార్టీ స్పెషల్‌గా చేసుకోవడానికే వరుణ్‌ బెంగళూరు వెళ్లారని, ఆమె కోసం అత్యంత ఖరీదైన డైమండ్‌ రింగ్‌ని కొనుగోలు చేశారని వార్తలు చక్కర్లు కొట్టాయి. అయితే ఈ వార్తలు ఆ నోట ఈ నోట పడి లావణ్య దగ్గరకి చేరినట్లున్నాయి. దీంతో వాటిపై సోషల్‌ మీడియా వేదికగా పరోక్షంగా స్పందించారు లావణ్య. దేహ్రాదూన్‌లో ఉన్నానంటూ ఫ్యామిలీతో కలిసి ఉన్నట్లు కొన్ని ఫొటోలను ఇన్‌స్టాగ్రామ్‌లో షేర్‌ చేశారామె. ప్రకృతి అందాలు తన మనసుని కట్టిపడేస్తున్నాయని ఆ ఫొటోలతోపాటు పోస్టులో రాసుకొచ్చారు. లావణ్య షేర్‌ చేసిన కొత్త ఫొటోలతో ఆమె పెళ్లి, ప్రేమ వార్తలకు మరోసారి చెక్‌ పడినట్లు అయ్యింది.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని