Rudhran: లారెన్స్‌ ‘రుద్రుడు’ వాయిదా.. కారణమిదే

ఇంటర్నెట్‌ డెస్క్‌: రాఘవ లారెన్స్‌ (Raghava Lawrence) కథానాయకుడిగా కదిరేశన్‌ దర్శకత్వంలో  తెరకెక్కుతున్న చిత్రం ‘రుద్రన్‌’ (Rudhran). యాక్షన్‌ థ్రిల్లర్‌ కథతో రూపొందుతున్న ఈ సినిమాని ఈ ఏడాది క్రిస్మస్‌ సందర్భంగా డిసెంబరు 23న విడుదల చేయాలని చిత్ర బృందం భావించింది. వీఎఫ్‌ఎక్స్‌ పనులకు మరింత సమయం కేటాయించాల్సిరావటంతో ‘రుద్రన్‌’ను వాయిదా వేసినట్టు తాజాగా ప్రకటించింది. వచ్చే ఏడాది ఏప్రిల్‌ 14న తమిళం, తెలుగు, కన్నడ, మలయాళం భాషల్లో విడుదల చేయనున్నట్టు పేర్కొంది. ఈ సినిమా తెలుగులో ‘రుద్రుడు’ పేరుతో రానుంది. ప్రియభవానీ శంకర్‌ (Priya Bhavani Shankar) కథానాయికగా నటిస్తున్న ఈ సినిమాలో శరత్‌కుమార్‌, పూర్ణిమ భాగ్యరాజ్‌, నాజర్‌ తదితరులు కీలక పాత్రలు పోషిస్తున్నారు.