F3: అధ్యక్షా ప్రత్యేక గీతమంటే మినిమం ఇట్టా ఉండాల.. పూజాహెగ్డే పెర్ఫామెన్స్‌ చూశారా..!

ఇంటర్నెట్‌ డెస్క్‌: ప్రత్యేక గీతం ‘జిగేల్‌రాణి’తో ప్రేక్షకులను ఉర్రూతలూగించిన పూజాహెగ్డే ‘ఎఫ్‌ 3’ సినిమాలోని మరోపాటతో సందడి చేయబోతున్న సంగతి తెలిసిందే. తాజాగా ఆ పాట విడుదలైంది. జీవితాన్ని ఎలా అనుభవించాలనుకుంటున్నారో ముగ్గురు వ్యక్తులు వివరించుకునే నేపథ్యంలో సాగుతుందీ సాహిత్యం. ‘అధ్యక్షా లైఫ్‌ అంటే మినిమం ఇట్టా ఉండాల’ అనేది ఈ పాట థీమ్‌. ‘పిట్టగోడపై పెట్టే పిచ్చాపాటి ముచ్చట్లు చైనా వాల్‌పై పెట్టుకుందాం’, ‘అయ్యంగారి కొట్టులో కొట్టే చాయ్‌ను పక్కనెట్టి ఈఫిల్‌ టవర్‌పై ఐస్‌-టీ కొట్టేదాం’ తదితర లైన్లు మెప్పించేలా ఉన్నాయి. ఈ పాటలో పూజాహెగ్డేతోపాటు కథానాయకులు వెంకటేష్‌, వరుణ్‌తేజ్‌ చేసిన హంగామా అంతా ఇంతా కాదు. బీట్‌కు తగ్గట్టు స్టెప్పులేసి, అందరి దృష్టిని ఆకర్షించారు. కాసర్ల శ్యామ్‌ రచించిన ఈ పాటను రాహుల్‌ సిప్లిగంజ్‌, గీతా మాధురి ఆలపించారు. దేవిశ్రీ ప్రసాద్‌ సంగీతం అందించారు. వెంకటేష్‌, వరుణ్‌తేజ్‌ హీరోలుగా దర్శకుడు అనిల్ రావిపూడి తెరకెక్కిస్తున్న చిత్రమిది. గతంలో మంచి విజయం అందుకున్న ‘ఎఫ్‌ 2’కు సీక్వెల్‌గా రూపొందుతోంది. మే 27న విడుదలకానుంది.