Like Share Subscribe: గొప్ప ప్రేమికులంతా ఇలానే పోయారు.. ఆసక్తిగా ‘లైక్‌ షేర్‌ అండ్‌ సబ్‌స్క్రైబ్‌’ ట్రైలర్‌

ఇంటర్నెట్‌ డెస్క్‌: ‘రోమియో- జూలియట్‌, లైలా- మజ్ను, దేవదాసు-పార్వతిలాంటి గొప్ప గొప్ప లవర్స్‌ అందరూ ఇలానే మధ్యలో పోయారు. మనమూ అంతే’ అని అంటున్నారు యువ నటుడు సంతోష్‌ శోభన్‌ (Santosh Shobhan). తను ప్రేమించిన అమ్మాయి ఎవరో కాదు ఫరియా అబ్దుల్లా. ఈ ఇద్దరి ప్రేమ కథ ఎలా మొదలైంది? వారికి ఎదురైన సమస్య ఏంటి? తెలియాలంటే ‘లైక్‌, షేర్‌ అండ్‌ సబ్‌స్క్రైబ్‌’ (Like Share Subscribe) సినిమా చూడాల్సిందే. మేర్లపాక గాంధీ దర్శకత్వం వహించిన ఈ చిత్రం నవంబరు 4న ప్రేక్షకుల ముందుకు రానుంది. ఈ సందర్భంగా ప్రముఖ నటుడు ప్రభాస్‌ సోషల్‌ మీడియా వేదికగా ట్రైలర్‌ను విడుదల చేసి, చిత్ర బృందానికి శుభాకాంక్షలు తెలిపారు. కామెడీ, సస్పెన్స్‌ నేపథ్యంలో ఈ సినిమా రూపొందినట్టు ట్రైలర్‌ చూస్తే అర్థమవుతోంది. ఈ చిత్రంలో హీరో ట్రావెల్‌ బ్లాగర్‌గా కనిపిస్తారు. బ్రహ్మాజీ, సుదర్శన్‌, సప్తగిరి, ఫణి తదితరులు కీలక పాత్రలు పోషించారు.