Vijay: మరోసారి ‘మాస్టర్‌’ కలయిక

తమిళ నటుడు విజయ్‌ కథానాయకుడిగా లోకేష్‌ కనకరాజ్‌ దర్శకత్వంలో వచ్చిన చిత్రం ‘మాస్టర్‌’. తమిళంతో పాటు విడుదలైన  ప్రతి భాషలోనూ ఈ సినిమా ఘన విజయం సాధించింది. వీరిద్దరి కలయికలో మరో చిత్రం రానుందని కొన్ని రోజులుగా వార్తలు వస్తున్నాయి. తాజాగా ఈ విషయాన్ని   దర్శకుడు లోకేష్‌ ధ్రువీకరించాడు. ‘దళపతి 67’ వర్కింగ్‌ టైటిల్‌తో పూర్వ నిర్మాణ పనుల్ని ప్రారంభించినట్లు తెలిపాడు. ఈ చిత్రం మాస్‌, క్లాస్‌ అంశాల మిళితంగా ఉండనుందని వెల్లడించాడు. ఈయన దర్శకత్వం వహించిన తాజా చిత్రం ‘విక్రమ్‌’ జూన్‌ 3న విడుదల కానుంది. విజయ్‌ ప్రస్తుతం వంశీ పైడిపల్లి దర్శకత్వంలో నటిస్తున్నాడు.