ఆ యువ జంట మధ్య ఏం జరిగింది?

ముంబయి: బాలీవుడ్‌ దూకుడు పెంచింది. వరుసగా  చిత్రాల విడుదల తేదీలను ప్రకటిస్తున్నారు దర్శక-నిర్మాతలు. తాజాగా ‘లూప్‌ లపేటా’ చిత్రాన్ని అక్టోబరు 22న విడుదల చేయనున్నట్టు ప్రకటించింది చిత్రబృందం.

తాప్సి, తాహిర్‌ రాజ్‌ భాసిన్‌ ప్రధాన పాత్రల్లో నటిస్తున్న చిత్రమిది. ఇటీవలే ఈ సినిమా చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి.

సావి, సత్య అనే ఓ యువ జంట మధ్య జరిగే కథ ఇది. ఆద్యంతం ఉత్కంఠగా సాగుతుంది. ఆకాష్‌ భాటియా దర్శకత్వంలో కామిక్‌ థ్రిల్లర్‌గా తెరకెక్కుతోంది.  వైవిధ్యమైన పాత్రలతో ఆకట్టుకుంటున్న తాప్సి ఈ చిత్రంలోని పాత్రా తనకు మంచి పేరు తెస్తుందని ధీమాగా ఉంది.