మహేశ్‌ రిలీజ్‌ చేసిన ‘ఏవో ఏవో కలలే’!

హైదరాబాద్‌: నాగచైతన్య, సాయిపల్లవి జంటగా శేఖర్‌కమ్ముల దర్శకత్వంలో ‘లవ్‌స్టోరీ’ తెరకెక్కుతున్న సంగతి తెలిసిందే. తాజాగా ఈ చిత్రంలోని ‘ఏవో ఏవో కలలే’అంటూ సాగుతున్న లిరికల్‌ వీడియో సాంగ్‌ను సూపర్‌స్టార్‌ మహేశ్‌బాబు విడుదల చేశారు. భాస్కర్‌ భట్ల రచించిన ఈ గీతాన్ని జోనితా గాంథీ, నకుల్‌ అభ్యంకర్‌ ఆలపించారు. పవన్‌ సీహెచ్‌ స్వరాలు సమకూర్చారు. శేఖర్‌ వీజే కొరియోగ్రఫీలో నాగచైతన్య, సాయిపల్లవి అదిరిపోయే స్టెప్పులతో అలరిస్తున్నారు. ఇటీవల విడుదలైన ఈ చిత్రంలోని ‘సారంగదరియా’పాట సూపర్‌హిట్‌గా నిలిచింది. ఈ ‘లవ్‌స్టోరీ’ని థియేటర్లలో ఏప్రిల్‌ 16న విడుదల చేయనున్నారు. మరి లేటెందుకు మీరు ఆ వీడియోను చూసేయండి!