Cinema News: నవ్వులు పంచే ‘లక్కీ లక్ష్మణ్‌’

సోహైల్‌, మోక్ష జంటగా ఎ.ఆర్‌.అభి తెరకెక్కిస్తున్న చిత్రం ‘లక్కీ లక్ష్మణ్‌’. హరిత గోగినేని, రమ్య ప్రభాకర్‌ సంయుక్తంగా నిర్మిస్తున్నారు. దేవి ప్రసాద్‌, రాజా రవీంద్ర, సమీర్‌ కీలక పాత్రలు పోషిస్తున్నారు. ఈ సినిమా శుక్రవారం హైదరాబాద్‌లో పూజా కార్యక్రమాలతో లాంఛనంగా ప్రారంభమైంది. ముహూర్తం సన్నివేశానికి ప్రవీణ్‌ సత్తారు క్లాప్‌ కొట్టగా.. సి.కల్యాణ్‌ గౌరవ దర్శకత్వం వహించారు. మిర్యాల రవీందర్‌రెడ్డి, బెక్కం వేణుగోపాల్‌, పుప్పాల రమేష్‌, రాజా రవీంద్ర సంయుక్తంగా దర్శకుడికి స్క్రిప్ట్‌ అందించారు. నిర్మాత అప్పిరెడ్డి మోషన్‌ పోస్టర్‌ విడుదల చేశారు. అనంతరం హీరో సోహైల్‌ మాట్లాడుతూ.. ‘‘టెక్నికల్‌, ఔట్‌పుట్‌ పరంగా ఎక్కడా రాజీ పడకుండా మంచి టీమ్‌తో ఈ సినిమా నిర్మిస్తున్నార’’న్నారు. ‘‘చుట్టూ ఉన్న వారంతా ‘నువ్వు లక్కీఫెలో’ అంటున్నా.. తాను మాత్రం అన్‌ లక్కీ అని ఫీలయ్యే యువకుడి కథగా సాగుతుంది’’ అన్నారు దర్శకుడు. ఈ కార్యక్రమంలో ఆండ్రూ, మోక్ష పాల్గొన్నారు. ఈ చిత్రానికి సంగీతం: అనూప్‌ రూబెన్స్‌, కూర్పు: ప్రవీణ్‌ పూడి, ఛాయాగ్రహణం: ఐ.ఆండ్రూ.