Lucky Lakshman: నవ్వించే ‘లక్కీ లక్ష్మణ్‌’

సయ్యద్‌ సోహైల్‌, మోక్ష జంటగా ఎ.ఆర్‌.అభి తెరకెక్కించిన చిత్రం ‘లక్కీ లక్ష్మణ్‌’. హరిత గోగినేని నిర్మాత. దేవీ ప్రసాద్‌, రాజా రవీంద్ర, సమీర్‌ తదితరులు కీలక పాత్రలు పోషించారు.

Updated : 04 Dec 2022 07:04 IST

య్యద్‌ సోహైల్‌ (Sohel), మోక్ష (Mokksha) జంటగా ఎ.ఆర్‌.అభి తెరకెక్కించిన చిత్రం ‘లక్కీ లక్ష్మణ్‌’ (Lucky Lakshman). హరిత గోగినేని నిర్మాత. దేవీ ప్రసాద్‌, రాజా రవీంద్ర, సమీర్‌ తదితరులు కీలక పాత్రలు పోషించారు. ఈ సినిమా డిసెంబరు 30న విడుదల కానుంది. ఈ నేపథ్యంలోనే శనివారం హైదరాబాద్‌లో చిత్ర టీజర్‌ విడుదల చేశారు. ఈ సందర్భంగా హీరో సోహైల్‌ మాట్లాడుతూ.. ‘‘బిగ్‌బాస్‌ నుంచి బయటకు వచ్చాక నా నుంచి వస్తున్న తొలి చిత్రమిది. దీన్ని అన్ని రకాల వాణిజ్యాంశాలతో చక్కటి ఫ్యామిలీ ఎంటర్‌టైనర్‌గా సిద్ధం చేశాం’’ అన్నారు. ‘‘ఓ సినిమా కోసం ఏం చేయాలో అవన్నీ చేశాం. ఇక బాధ్యతంతా ప్రేక్షకులదే. మా ప్రయత్నాన్ని అందరూ ఆదరిస్తారని నమ్ముతున్నా’’ అన్నారు నిర్మాత హరిత. దర్శకుడు అభి మాట్లాడుతూ.. ‘‘టీజర్‌ అందరికీ నచ్చే ఉంటుంది. త్వరలో ట్రైలర్‌తో పాటు రెండు పాటలు విడుదల చేస్తాం. సినిమా చూసి థియేటర్‌ నుంచి చిరునవ్వులతో బయటకు వస్తారు. ఇందులో అన్ని ఎమోషన్స్‌ పుష్కలంగా ఉన్నాయి. సోహైల్‌ అద్భుతంగా నటించాడు’’ అన్నారు. ఈ కార్యక్రమంలో బెక్కం వేణుగోపాల్‌, మెహబూబ్‌, మల్కాపురం శివకుమార్‌, దేవీ ప్రసాద్‌, సన్నీ, అఖిల్‌ తదితరులు పాల్గొన్నారు.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని