Maa Neella Tank: వెబ్‌ సిరీస్‌తో సుశాంత్‌.. ‘మా నీళ్ల ట్యాంక్‌’ టీజర్‌ చూశారా!

ఇంటర్నెట్‌ డెస్క్‌: ‘కాళిదాసు’, ‘కరెంట్‌’, ‘చి.ల.సౌ’, ‘ఇచ్చట వాహనములు నిలుపరాదు’ తదితర చిత్రాలతో ఆకట్టుకున్న అక్కినేని హీరో సుశాంత్‌ (Sushant). ఆయన నటించిన తొలి వెబ్‌ సిరీస్‌ ‘మా నీళ్ల ట్యాంక్‌’ (Maa Neella Tank). లక్ష్మీ సౌజన్య దర్శకత్వం వహించిన ఈ సిరీస్‌ ఓటీటీ ‘జీ 5’లో జులై 15 నుంచి స్ట్రీమింగ్‌కానుంది. ఈ నేపథ్యంలో తాజాగా టీజర్‌ విడుదలైంది. రాయలసీమలోని ఓ పల్లెటూరి నేపథ్యంలో ఈ సిరీస్ రూపొందినట్టు టీజర్‌ చూస్తే అర్థమవుతోంది. ఓ వ్యక్తి నీళ్ల ట్యాంకు పైకెక్కడం, పోలీసు అధికారిగా సుశాంత్‌ ఆయన్ను కిందికి దింపే ప్రయత్నం చేయడం తదితర సన్నివేశాలతో టీజర్‌ సరదాగా సాగింది. సునీల్‌ కశ్యప్‌ అందించిన నేపథ్యం సంగీతం వినసొంపుగా ఉంది. ఈ సిరిస్‌లో సుశాంత్‌ సరసన ప్రియా ఆనంద్‌ నటించింది. ఈ ఇద్దరి లుక్స్‌, హావభావాలు అన్ని వర్గాల ప్రేక్షకులను ఆకట్టుకునేలా ఉన్నాయి.