ఒకేసారి ఐదు భాషల్లో ‘మానాడు’ టీజర్‌

ఇంటర్నెట్‌ డెస్క్‌: ‘మన్మథ’ సినిమాతో తెలుగు ప్రేక్షకులకు దగ్గరైన నటుడు శింబు. వినూత్నమైన సినిమాలు చేస్తూ దక్షిణాదిలో ఎంతో క్రేజ్‌ సంపాదించుకున్నాడు. ఈ తమిళ స్టార్‌హీరో ఇప్పుడు పాన్‌ ఇండియా చిత్రంతో అలరించేందుకు సిద్ధమయ్యాడు. క్రియేటివ్‌ డైరెక్టర్‌ వెంకట్‌ప్రభు దర్శకత్వంలో ‘మానాడు’ పేరుతో ఓ సినిమా తెరకెక్కుతోంది. ఈరోజు శింబు జన్మదినం సందర్భంగా సినిమా టీజర్‌ను ఒకేసారి ఐదు భాషల్లో ఐదుగురు సినీ ప్రముఖులతో విడుదల చేయించారు. తెలుగులో మాస్‌ మహారాజ్‌ రవితేజ స్వయంగా ఈ టీజర్‌ను విడుదల చేశారు. తమిళంలో ఎ.ఆర్‌.రెహమాన్‌, కన్నడలో స్టార్‌హీరో సుదీప్‌, హిందీలో ప్రముఖ దర్శకుడు అనురాగ్‌కాశ్యప్‌, మళయాళం టీజర్‌ను పృథ్వీరాజ్‌ విడుదల చేశారు.

పొలిటికల్ థ్రిల్లర్‌గా తెరకెక్కిస్తున్న ఈ చిత్రంలో శింబు ఓ ముస్లిం యువకుడిగా కనిపించనున్నాడు.  ఈ సినిమా శింబు కెరీర్‌లోనే అత్యంత భారీ బడ్జెట్‌తో తెరకెక్కుతోంది. సురేశ్‌ కామాచి ఈ సినిమాను నిర్మిస్తున్నారు. శింబుకి జోడీగా ‘చిత్రలహరి’ ఫేమ్‌ కల్యాణి ప్రియదర్శన్ నటిస్తోంది. యువన్‌ శంకర్‌ రాజా సంగీతం అందించారు.

ఇదీ చదవండి..

ఉరిశిక్ష పడ్డ ఖైదీ ఎలా తప్పించుకున్నాడు..!