Thank You: ‘సై అంటే సైరా’.. స్ఫూర్తినిచ్చేలా నాగచైతన్య ‘థ్యాంక్‌ యూ’ గీతం

ఇంటర్నెట్‌ డెస్క్‌: నాగచైతన్య హీరోగా  తెరకెక్కిన రొమాంటిక్‌ కామెడీ చిత్రం ‘థ్యాంక్‌ యూ’. ఈ సినిమాను జులై 8న విడుదల చేయనున్న నేపథ్యంలో చిత్ర బృందం ప్రచారాన్ని వేగవంతం చేస్తోంది. ఇప్పటికే పలు పోస్టర్లు, టీజర్‌ను విడుదల చేయగా.. తాజాగా ఓ పాటను పంచుకుంది. క్రీడా నేపథ్యంలో సాగే ఈ గీతం స్ఫూర్తినిచ్చేలా ఉంది. ఆట కూడా ఓ యుద్ధంలాంటిదే తాడో పేడో తేల్చుకోవాలనేది ఈ గీతం ఇతివృత్తం. విశ్వ, కిట్టు విస్సాప్రగడ రచించిన ఈ పాటను దీపు, పృథ్వీచంద్ర ఆలపించారు. తమన్‌ సంగీతం అందించారు. ఈ చిత్రంలో చైతన్య సరసన రాశీఖన్నా, అవికాగోర్‌, మాళవిక నాయర్‌ నటించారు. ఈ సినిమాని శ్రీ వేంకటేశ్వర క్రియేషన్స్‌ పతాకంపై దిల్‌రాజు, శిరీష్‌ సంయుక్తంగా నిర్మించారు. సూపర్‌హిట్‌ చిత్రం ‘మనం’ తర్వాత విక్రమ్‌- చైతన్య కాంబినేషన్‌లో వస్తుండటంతో ‘థ్యాంక్‌ యూ’ (Thank You)పై ప్రేక్షకుల్లో ఆసక్తి నెలకొంది.