Nithiin: ‘మాస్ట్రో’ వచ్చేస్తున్నాడోచ్‌..!

హైదరాబాద్‌: అంధుడి పాత్రలో నితిన్‌ నటించిన క్రైమ్‌, సస్పెన్స్‌ థ్రిల్లర్‌ ‘మాస్ట్రో’. బాలీవుడ్‌లో సూపర్‌హిట్‌ అందుకున్న ‘అంధాదున్‌’కు రీమేక్‌గా ఈ సినిమా తెరకెక్కింది. ఇటీవల షూటింగ్‌ పూర్తి చేసుకున్న ఈ చిత్రంలోని పాటలను వచ్చేవారం విడుదల చేయనున్నట్లు చిత్రబృందం ప్రకటించింది. ‘మాస్ట్రో’ సినిమా సరికొత్త పోస్టర్‌ని అభిమానులతో పంచుకున్న టీమ్‌.. మ్యూజికల్‌ ఫీస్ట్‌ కోసం సిద్ధంగా ఉండమని తెలిపింది. మేర్లపాక గాంధీ దర్శకత్వం వహించిన ఈ సినిమాలో నితిన్‌కు జోడీగా నభానటేశ్‌ సందడి చేయనున్నారు. మిల్కీ బ్యూటీ తమన్నా ఇందులో కీలకపాత్రలో కనిపించనున్నారు. శ్రేష్ఠ మూవీస్‌ పతాకంపై సుధాకర్‌రెడ్డి, నిఖితా రెడ్డి ‘మాస్ట్రో’ చిత్రాన్ని నిర్మించారు.