Maha: హన్సిక ‘మహ’.. స్ట్రీమింగ్‌ ఆ ఓటీటీలోనే

ఇంటర్నెట్‌ డెస్క్‌: హన్సిక (Hansika Motwani) ప్రధాన పాత్రలో తెరకెక్కిన క్రైమ్‌ థ్రిల్లర్‌ చిత్రం ‘మహ’ (Maha). ఈ సినిమా ఓటీటీ విడుదల తాజాగా ఖరారైంది. ఈ చిత్రం ఈ నెల 9 నుంచి ‘ఆహా’లో స్ట్రీమింగ్‌కానుంది. ఈ విషయాన్ని తెలియజేస్తూ సదరు సంస్థ ఓ పోస్ట్‌ర్‌ని పంచుకుంది. శ్రీకాంత్‌, శింబు కీలక పాత్రలు పోషించిన ఈ చిత్రం జులై 22న థియేటర్లలో విడుదలై, మిశ్రమ ఫలితాన్ని అందుకుంది. హన్సిక 50వ చిత్రంగా రూపొందిన ఈ సినిమాకి  యు. ఆర్‌. జమీల్‌ దర్శకత్వం వహించారు. అల్లారు ముద్దుగా పెంచుకుంటున్న కూతురు కిడ్నాప్‌నకు గురైతే, తల్లిగా కథానాయిక ఏం చేసింది? అసలు ఆ పాపను తీసుకెళ్లిందెవరు? ఎందుకు తీసుకెళ్లారు? అనేవి ఈ చిత్రంలోని ఆసక్తికర అంశాలు.