Indira Devi: అమ్మ జ్ఞాపకాలతో మహేశ్‌బాబు భావోద్వేగం

హైదరాబాద్‌: తన తల్లి ఇందిరా దేవి ( (Indira Devi) జ్ఞాపకాలను తలచుకుంటూ నటుడు మహేశ్‌బాబు (Mahesh babu) భావోద్వేగానికి లోనయ్యారు. మాతృమూర్తి అంత్యక్రియలు పూర్తయిన అనంతరం సామాజిక మాధ్యమాల్లో ఆమెకు సంబంధించి ఓ పాత ఫొటోను షేర్‌ చేశారు. బరువెక్కిన హృదయంతో ఏమి రాయకుండా ‘లవ్‌’ ఎమోజీలు జతచేశారు. ఈ పోస్ట్‌పై పలువురు ప్రముఖులు, లక్షల సంఖ్యలో నెటిజన్లు స్పందించారు. ‘మహేశ్‌ సర్‌ మీరు ధైర్యంగా ఉండండి’, ‘మేం మీతో ఉన్నాం అన్నా’, ‘బాధపడకండి’ అంటూ కామెంట్లు పెడుతున్నారు. తల్లి అంటే మహేశ్‌కు ఎంతో ఇష్టం. ఆమె ఆశీస్సుల వల్లే ఈ స్థాయికి వచ్చానని  ఆమెపై ఉన్న ప్రేమను మహేశ్‌ పలు సందర్భాల్లో చాటారు. ఇందిరా దేవి కొంతకాలంగా అనారోగ్యంతో బాధపడుతూ బుధవారం తెల్లవారుజామున మరణించిన సంగతి తెలిసిందే.