Mahesh Babu: కొవిడ్ వ్యాక్సిన్ పంపిణీ 

ఇంట‌ర్నెట్ డెస్క్: త‌న స్వ‌గ్రామం బుర్రిపాలెం గ్రామాన్ని ప్ర‌ముఖ న‌టుడు మ‌హేశ్ బాబు ద‌త్త‌త తీసుకున్న సంగతి తెలిసిందే. సోమ‌వారం.. త‌న తండ్రి, న‌టుడు కృష్ణ పుట్టిన రోజు సందర్భంగా ఆ గ్రామ ప్ర‌జ‌ల‌కు కొవిడ్ వ్యాక్సిన్‌ని అందించేందుకు ముందుకొచ్చారు మ‌హేశ్‌. ఆంధ్ర హాస్సిట‌ల్స్ సహ‌కారంతో గ్రామ ప్ర‌జ‌లంద‌రికీ ఉచితంగా ఈ వ్యాక్సిన్ అందిస్తున్నారాయ‌న‌. మ‌హేశ్ సాయానికి బుర్రిపాలెం ప్ర‌జ‌లు, ఆయ‌న అభిమానులు హ‌ర్షం వ్య‌క్తం చేస్తున్నారు. సినిమా విష‌యానికొస్తే.. ప్ర‌స్తుతం ‘స‌ర్కారు వారి పాట’ చిత్రంతో బిజీగా ఉన్నారు మ‌హేశ్‌. ప‌రశురామ్ ద‌ర్శ‌కత్వంలో తెర‌కెక్కుతోంది ఈ చిత్రం. కీర్తి సురేశ్ నాయిక‌. నేడు ఈ సినిమాలోని మ‌హేశ్ ఫ‌స్ట్‌లుక్ వ‌స్తుంద‌ని ఎదురు చూశారు అభిమానులు. ప్ర‌స్తుతం కరోనా ప‌రిస్థితుల దృష్ట్యా ఈ చిత్రం నుంచి ఎలాంటి అప్‌డేట్ ఉండ‌ద‌ని తెలిపింది చిత్ర‌బృందం.