Mahesh Babu: అన్నయ్య మృతిపై మహేశ్‌బాబు తీవ్ర భావోద్వేగం

హైదరాబాద్‌: తన సోదరుడు రమేష్‌బాబు ఆకస్మిక మృతిపట్ల నటుడు మహేశ్‌బాబు తీవ్ర భావోద్వేగానికి గురయ్యారు. రమేష్‌ ఆత్మకు శాంతి చేకూరాలని కోరుకుంటూ ఎమోషనల్‌ పోస్ట్‌ షేర్‌ చేశారు. ఎన్ని జన్మలెత్తినా రమేష్‌నే అన్నయ్యగా కోరుకుంటానని తెలిపారు. ‘‘నువ్వే నా స్ఫూర్తి, నువ్వే నా బలం, నువ్వే నా ధైర్యం, నువ్వే నా సర్వస్వం, నువ్వు లేకుంటే నేను ఈ రోజు ఇలా ఉండేవాడిని కాదు. నాకోసం నువ్వు చేసిన ప్రతి పనికీ ధన్యవాదాలు. ఈ జన్మలోనే కాదు వేరే జన్మ ఏదైనా ఉంటే అందులోనూ నువ్వే నా ‘అన్నయ్య’గా ఉండాలని కోరుకుంటా. నిన్ను నేను ఎప్పటికీ ప్రేమిస్తూనే ఉంటాను’’ అని మహేశ్‌బాబు తెలిపారు.

కాలేయ సంబంధిత వ్యాధితో బాధపడుతున్న రమేష్‌ శనివారం రాత్రి కన్నుమూశారు. ఆయన మృతితో ఘట్టమనేని కుటుంబంలో విషాదచాయలు అలుముకున్నాయి.  అంత్యక్రియల్లో మహేశ్‌బాబు పాల్గొనలేకపోయారు. కరోనా కారణంగా మహేశ్‌, ఆయన కుటుంబం ప్రస్తుతం ఐసోలేషన్‌లో ఉంది.