Major: ‘మేజర్‌’ ట్రైలర్‌ ఆరోజే

వార్‌.ఎటాక్‌.. యాక్షన్‌.. రొమాన్స్‌... ఫ్యామిలీ... ఇలా అన్ని ఎమోషన్స్‌ను ఓ వీడియోలో ఆసక్తికరంగా చూపించింది ‘మేజర్‌’ చిత్రబృందం. అడివి శేష్‌ హీరోగా నటించిన తొలి పాన్‌ ఇండియా చిత్రమిది. 26/11 ముంబయి ఉగ్రదాడుల్లో వీరమరణం పొందిన మేజర్‌ సందీప్‌ ఉన్నికృష్ణన్‌ జీవితాధారంగా రూపొందింది. శశి కిరణ్‌ తిక్కా దర్శకుడు. మహేష్‌బాబు జీఎంబీ ఎంటర్‌టైన్‌మెంట్‌, ఏ ప్లస్‌ ఎస్‌ మూవీస్‌, సోనీ పిక్చర్స్‌ ఫిల్మ్స్‌ సంస్థలు సంయుక్తంగా నిర్మించాయి. ఈ సినిమా జూన్‌ 3న ప్రేక్షకుల ముందుకు రానుంది. ఈనెల 9న ట్రైలర్‌ విడుదల చేయనున్నారు. ఈ విషయాన్ని బుధవారం అధికారికంగా ప్రకటించారు. ఈ సందర్భంగా ఓ స్పెషల్‌ వీడియోను అభిమానులతో పంచుకున్నారు. ఈ సినిమాలో శోభిత ధూళిపాళ, సయీ మంజ్రేకర్‌, ప్రకాష్‌ రాజ్‌, రేవతి, మురళి శర్మ తదితరులు కీలక పాత్రలు పోషించారు.