Malavika Mohanan: నన్ను కాదు.. ఆ ప్రశ్న దర్శకుడిని అడగండి: మాళవికా మోహనన్‌

ఇంటర్నెట్‌ డెస్క్‌: విజయ్‌ ‘మాస్టర్‌’ చిత్రంతో తెలుగు ప్రేక్షకులను పలకరించిన మలయాళ నటి మాళవికా మోహనన్‌ (Malavika Mohanan). సోషల్‌ మీడియాలో యాక్టివ్‌గా ఉండే ఆమె తాజాగా అభిమానులను పలకరించింది. వారు అడిగిన పలు ప్రశ్నలకు సమాధానాలిచ్చింది. ఈ క్రమంలోనే తన కొత్త సినిమా విడుదల గురించి అడగ్గా ‘దర్శకుడిని అడగండి’ అని చెప్పింది. ఆ చిట్‌చాట్‌లోని కొన్ని సంగతులివీ..

* ప్రభాస్‌ ‘సలార్‌’, షారుక్‌ ఖాన్‌ ‘డంకీ’.. ఏ సినిమాని చూడాలనుకుంటున్నారు?

మాళవిక: రెండూ చూడాలని ఉంది. ఏదో ఒక్కటే ఎంపిక చేసుకోమంటే నా ఆన్సర్‌ ‘సలార్‌’. ఆ సినిమా టీజర్‌ నాకు బాగా నచ్చింది.

* మీకు బాగా ఇష్టమైన వంటకాలు?

మాళవిక: మా అమ్మ చేసే ఫిష్‌ ఫ్రై, ఫిష్‌ కర్రీ.

* మీరు నటించిన పాత్రల్లో సవాలు విసిరిందేది?

మాళవిక: ‘తంగలాన్‌’ సినిమాలో పోషించిన పాత్ర. అది మీకు నచ్చుతుందని ఆశిస్తున్నా.

* ‘తంగలాన్‌’ ఎప్పుడు విడుదలవుతుంది?

మాళవిక: ఇది నన్ను కాదు దర్శకుడు పా. రంజిత్‌ని అడగాల్సిన ప్రశ్న.

* మీ ఫేవరెట్‌ యాక్టర్‌?

మాళవిక: ఫాహద్‌ ఫాజిల్‌.

* మీ డ్రీమ్‌ రోల్‌?

మాళవిక: పీరియాడికల్‌ మూవీలో రాజకుమారిగా, రాణిగా నటించాలనుంది.

* హీరో అజిత్‌ గురించి చెప్పండి..

మాళవిక: బైక్స్‌ను ఇష్టపడే ఎవరినైనా నేనూ ఇష్టపడతా.

* ‘మాస్టర్‌’కాకుండా విజయ్‌ నటించిన సినిమాల్లో మీకు ఇష్టమైంది?

మాళవిక: తేరి.

విక్రమ్‌ హీరోగా పా.రంజిత్‌ తెరకెక్కిస్తున్న చిత్రమే ‘తంగలాన్‌’ (Thangalaan). మాళవికా హీరోయిన్‌గా నటించింది. జులైలో చిత్రీకరణ పూర్తయింది. కర్ణాటకలోని కోలార్‌ బంగారు గని కార్మికుల జీవితాల ఆధారంగా ఈ సినిమాని రూపొందిస్తున్నారు. భారీ బడ్జెట్‌తో తెరకెక్కుతున్న ఈ చిత్రం భారతీయ, విదేశీ భాషల్లో 2డీ, 3డీ ఫార్మట్లతో విడుదల కానుంది.