Sumanth: ‘మళ్లీ మొదలైంది’.. వచ్చేది ఆరోజే

సుమంత్‌, వర్షిణీ సౌందర్‌ రాజన్‌, నైనా గంగూలి నాయకానాయికలుగా నటించిన చిత్రం ‘మళ్లీ మొదలైంది’. టీజీ కీర్తి కుమార్‌ తెరకెక్కించారు. రాజశేఖర్‌ రెడ్డి నిర్మాత. ఈ సినిమా ఫిబ్రవరి 11న ఓటీటీ వేదిక జీ5లో నేరుగా విడుదల కానుంది. ఈ విషయాన్ని చిత్ర దర్శక నిర్మాతలు సామాజిక మాధ్యమాల ద్వారా ప్రకటించారు. ‘‘విడాకులు తీసుకున్న ఓ యువకుడు.. తన న్యాయవాదితో ఎలా ప్రేమలో పడ్డాడు? ఆ తర్వాత ఏం జరిగింది? అన్నది ఈ చిత్ర కథాంశం. ఇందులో సుమంత్‌ భార్యగా వర్షిణీ కనిపించనుండగా.. న్యాయవాది పాత్రను నైనా పోషించింది’’ అని చిత్ర వర్గాలు తెలిపాయి. ఈ చిత్రానికి సంగీతం: అనూప్‌ రూబెన్స్‌, ఛాయాగ్రహణం: శివ.