Bheemla Nayak: పవన్‌ కల్యాణ్‌పై ‘భీమ్లా నాయక్‌’ డైరక్టర్‌ కామెంట్స్‌... ఏమన్నారంటే?

హైదరాబాద్‌: ‘భీమ్లానాయక్‌’ విజయంలో త్రివిక్రమ్‌ విలువను కొలవలేమని దర్శకుడు సాగర్‌ కె.చంద్ర అన్నారు. పవన్‌కల్యాణ్‌ కథానాయకుడిగా నటించిన ఈ సినిమా ప్రస్తుతం ప్రముఖ ఓటీటీ ‘ఆహా’ వేదికగా స్ట్రీమింగ్‌ అవుతోంది. ఈ సందర్భంగా చేసిన ప్రత్యేక ఇంటర్వ్యూలో సాగర్‌ అనేక విషయాలను పంచుకున్నారు. ‘భీమ్లానాయక్‌’కు త్రివిక్రమ్‌ వెన్నెముక అని ప్రశంసించారు. మాతృకతో పోలిస్తే పవన్‌ చిత్రంలో ఫ్లాష్‌బ్యాక్‌, క్లైమాక్స్‌లో మార్పులు చేయటంతో కథ మొత్తం మారిపోయిందని అన్నారు. ఇదొక విభిన్న చిత్రమైపోయిందన్నారు. పవన్‌కల్యాణ్‌ పెద్ద స్టార్‌ అయినా దర్శకుడి కుర్చీకి గౌరవం ఇస్తారని.. కథకు, పాత్రకు తన నుంచి ఇంకేమైనా అదనపు హంగులు కావాలా? అని కూడా అడుగుతారని చెప్పుకొచ్చారు. ఏం చెప్పినా ఓపిగ్గా వింటారని, మరో టేక్‌ చేయడానికి కూడా సిద్ధమేనని తెలిపారు. ఇలా ఈ సినిమా గురించి సాగర్‌ పంచుకున్న విశేషాలు మీకోసం...