Published : 01 Jul 2022 13:31 IST

Manchu Lakshmi: నటన.. నా కలలో కూడా ఊహించలేదు: మంచులక్ష్మి

హైదరాబాద్‌: నటిగా సినీ పరిశ్రమవైపు(Cini Industry) అడుగులు వేస్తానని కలలో కూడా తాను ఊహించలేదని నటి మంచు లక్ష్మి(Manchu Lakshmi) అన్నారు. నటి, వ్యాఖ్యాతగా సినీ ప్రియుల్ని ఆకట్టుకుంటోన్న ఆమె తాజాగా ఓ కొత్త ప్రాజెక్ట్‌ ప్రకటించారు. తన తండ్రి మోహన్‌బాబుతో(MohanBabu) కలిసి ‘అగ్నినక్షత్రం’(Agninakshatram) సినిమా చేస్తున్నట్లు తెలిపారు. ఈ మేరకు శుక్రవారం ఉదయం ఆ ప్రాజెక్ట్‌ టైటిల్‌ అనౌన్స్ చేస్తూ ఓ పోస్ట్ పెట్టారు.

‘‘ఎంతోకాలం నుంచి ఎదురుచూస్తోన్న రోజు వచ్చేసింది!! నటిగా ఈ రంగంలోకి వస్తానని ఎప్పుడూ కలలు కనలేదు. ఈ రోజు మా నాన్నతో కలిసి ఓ సినిమాలో నటించే అవకాశం లభించింది. అలాగే మేమిద్దరం కలిసి ఈ చిత్రాన్ని నిర్మిస్తున్నాం. ఈ చిత్రానికి ‘అగ్నినక్షత్రం’ టైటిల్‌ని అధికారికంగా ప్రకటించేందుకు ఎంతో ఆతృతగా ఉన్నా. విమర్శలు, ట్రోల్స్‌ పట్టించుకోకుండా మీ హృదయం చెప్పింది విని ముందుకు అడుగులు వేయండి’’ అని ఆమె పేర్కొన్నారు.

ఈ ఏడాదిలో విడుదలైన ‘సన్నాఫ్‌ ఇండియా’ (Son Of India) తర్వాత మోహన్‌బాబు నటిస్తోన్న చిత్రమిది. ప్రతీక్‌ ప్రజోష్‌ దర్శకుడు. శ్రీ లక్ష్మీ ప్రసన్న పిక్చర్స్‌, మంచు ఎంటర్‌టైన్‌మెంట్స్‌ సంయుక్తంగా ఈ చిత్రాన్ని నిర్మించనున్నాయి. టైటిల్‌ మోషన్‌ పోస్టర్‌ని బట్టి చూస్తుంటే పోలీస్‌ కథాంశంతో యాక్షన్‌ ఎంటర్‌టైనర్‌గా ఇది సిద్ధమవుతున్నట్లు తెలుస్తోంది. ఇందులో మోహన్‌బాబు-లక్ష్మి ప్రత్యర్థులుగా పోటీ పడే అవకాశం ఉన్నట్లు తెలుస్తోంది. ఇక, ‘పిట్టకథలు’ (Pittakathalu) వెబ్‌సిరీస్‌ తర్వాత లక్ష్మి నటిస్తోన్న చిత్రమిదే.


Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని