కేటీఆర్‌కు కరోనా.. మంచు లక్ష్మి సలహా!

ఇంటర్నెట్‌డెస్క్‌: తెలంగాణ పరిశ్రమలు, ఐటీశాఖ మంత్రి కేటీఆర్‌ కరోనా బారిన పడిన విషయం తెలిసిందే. తనకు స్వల్ప లక్షణాలు ఉండటంతో పరీక్ష చేయించుకున్నానని పాజిటివ్‌గా నిర్థారణ అయినట్లు ట్విటర్‌ ద్వారా కేటీఆర్‌ వెల్లడించారు. దీంతో పలువురు సినీ, రాజకీయ ప్రముఖులు ఆయన త్వరగా కోలుకోవాలని ట్విటర్‌ వేదికగా ఆకాంక్షించారు. ఆయన అభిమానులు, పార్టీ కార్యకర్తలు రాష్ట్ర వ్యాప్తంగా పలు దేవాలయాల్లో పూజలు చేశారు.

కేటీఆర్‌కు కరోనా పాజిటివ్‌గా నిర్థారణ కావడంపై సినీ నటి, మంచులక్ష్మి ట్విటర్‌ వేదికగా స్పందించారు. ‘కేటీఆర్‌ త్వరగా కోలుకో. నేను నటించిన అన్ని సినిమాలు ఇప్పుడు చూడండి’ అని ట్వీట్‌ చేశారు. ప్రస్తుతం ఆమె చేసిన ట్వీట్‌ సామాజిక మాధ్యమాల్లో వైరల్‌ అవుతోంది. మరోవైపు కేటీఆర్‌ ఆరోగ్యం నిలకడగా ఉందని వైరస్‌ లక్షణాలు స్వల్పంగా ఉన్నాయని సీఎం వ్యక్తిగత వైద్యుడు ఎంవీరావు తెలిపారు. విశ్రాంతి తీసుకోవాలని సూచించినట్లు వివరించారు.