Pawan kalyan: పవన్‌కల్యాణ్‌ను కలిసిన మంచు మనోజ్‌

ఇంటర్నెట్‌ డెస్క్‌: నటుడు మంచు మనోజ్‌ గురువారం అగ్రకథానాయకుడు పవన్‌ కల్యాణ్‌ని కలిశారు. ‘భీమ్లానాయక్‌’ చిత్రీకరణ హైదరాబాద్‌లో జరుగుతోంది. ఆ సినిమా సెట్‌లో పవన్‌ను కలిసిన మనోజ్‌ దాదాపు గంటసేపు ముచ్చటించారు. చిత్ర పరిశ్రమలో ప్రస్తుతం నెలకొన్న పరిస్థితుల నేపథ్యంలో వీరిద్దరి భేటీ ఆసక్తి రేపుతోంది. ఇద్దరూ ప్రస్తుతం చేస్తున్న సినిమాలపైనే చర్చించుకుంటున్నట్లు సమాచారం. ఈ ఫొటోలిప్పుడు సామాజిక మాధ్యమాల్లో చక్కర్లు కొడుతున్నాయి. ప్రస్తుతం ‘భీమ్లానాయక్‌’తో పాటు క్రిష్‌తో ‘హరిహర వీరమల్లు’ సినిమానూ పవన్‌ కల్యాణ్‌ చేస్తున్నారు. ‘హరిహర వీరమల్లు’ తదుపరి షెడ్యూల్‌ నవంబరు రెండో వారంలో మొదలవుతుందని సమాచారం.