Manchu Vishnu: ‘జిన్నా’ ఆగమనం ఆలస్యం.. దీపావళి లక్ష్యంగా!

ఇంటర్నెట్‌ డెస్క్‌: మంచు విష్ణు (Manchu Vishnu) హీరోగా దర్శకుడు సూర్య తెరకెక్కించిన చిత్రం ‘జిన్నా’ (Ginna). పాయల్‌ రాజ్‌పుత్‌, సన్నీ లియోనీ కథానాయికలు. అక్టోబరు 21న ఈ సినిమాని విడుదల చేస్తున్నామని, దీపావళికి కుటుంబంతో కలిసి ఈ చిత్రాన్ని ఆస్వాదించమని విష్ణు ప్రేక్షకులను కోరారు. ‘జిన్నా’.. కామెడీ ఎంటర్‌టైనర్‌ సినిమా అని ఆయన తెలిపారు. ఈ మేరకు ఓ పోస్టర్‌ పంచుకున్నారు. ముందుగా.. ఈ సినిమాని దసరా పండగను పురస్కరించుకుని అక్టోబరు తొలి వారంలో రిలీజ్‌ చేయాలని చిత్ర బృందం భావించింది. ఇప్పటికే విడుదలైన టీజర్, పాటలకు ప్రేక్షకుల నుంచి మంచి స్పందన లభించింది. అనూప్‌ రూబెన్స్‌ సంగీతం అందించిన ఈ సినిమాని మోహన్‌ బాబు సమర్పిస్తున్నారు.