Ponniyin Selvan: ఆలస్యం అవ్వడం కూడా మంచిదే..: మణిరత్నం

మణిరత్నం కలల సినిమాగా తెరకెక్కిన పొన్నియిన్‌ సెల్వన్‌ చిత్రం సినీ విమర్శకుల ప్రశంసలు అందుకుంటుంది. ఇక ఈ సినిమా గురించి మణిరత్నం ఇటీవల ఓ ఆంగ్లపత్రికకు ఇచ్చిన ఇంటర్వ్యూలో పలు ఆసక్తికర వ్యాఖ్యలు చేశారు.

Published : 04 Oct 2022 01:14 IST

హైదరాబాద్‌: ప్రస్తుతం మణిరత్నం ‘పొన్నియిన్‌ సెల్వన్‌1’ విజయాన్ని ఎంజాయ్‌ చేస్తున్నారు. ఎన్నో భారీ అంచనాల మధ్య విడుదలైన ఈ సినిమా సెప్టెంబర్‌ 30న విడుదలై మంచి ప్రేక్షకాదరణ పొందుతోంది.  ఇక ఈ సినిమా గురించి మణిరత్నం ఇటీవల ఓ ఆంగ్లపత్రికకు ఇచ్చిన ఇంటర్వ్యూలో పలు ఆసక్తికర వ్యాఖ్యలు చేశారు.

‘‘ఈ చిత్రాన్ని రూపొందించడానికి 1994, 2011లో రెండుసార్లు ప్రయత్నించాం. కానీ, కొన్ని కారణాల వల్ల ఆగిపోయాం. ఈ సినిమా తీయాలని నాతోపాటు చాలా మంది ప్రయత్నించారు. కల్కి కృష్ణమూర్తి రాసిన ‘పొన్నియిన్‌సెల్వన్‌’ అనే నవల ఇప్పటికీ అత్యధికంగా అమ్ముడుపోతోంది. ప్రజల హృదయానికి ఈ పుస్తకం అంతగా చేరువైంది. అలాగే నాకు కూడా ఈ నవల చాలా ఇష్టం. అందుకే సినిమా తీయాలనుకున్నా. చాలా కాలం వేచి చూశా. బహుశా అలా ఆలస్యం అవ్వడం కూడా మంచిదే అయింది. ఎందుకంటే అప్పటికీ ఇప్పటికీ సాంకేతికత చాలా అభివృద్ధి చెందింది. దాని వల్ల ఈ సినిమాను సాంకేతిక పరంగా ఎలాంటి రాజీ లేకుండా చేయగలిగాం. 5 భాగాలున్న ఆ పుస్తకాన్ని రెండు భాగాల సినిమా రూపంలో తీసుకొస్తున్నాం’’ అని చెప్పారు.

వీకెండ్‌ వసూళ్లు ఎంతంటే?

భారీ అంచనాల మధ్య విడుదలైన పీరియాడిక్‌ యాక్షన్‌ మూవీ ‘పొన్నియిన్‌ సెల్వన్‌’ వసూళ్లపరంగా పర్వాలేదనిపిస్తోంది. వీకెండ్‌ కలెక్షన్స్‌ విషయానికొస్తే అన్ని భాషల్లో కలిపి ఈ మూవీ రూ.200 కోట్లు  (గ్రాస్‌) వసూలు చేసిందని చిత్రబృందం వెల్లడించింది. ఏఆర్‌ రెహమాన్‌ సంగీతం అందించిన ఈ చిత్రంలో విక్రమ్‌, కార్తి, జయం రవి, ఐశ్వర్యరాయ్‌, త్రిష పలువురు ప్రముఖులు నటించారు. ఈ సినిమా రెండు భాగాలుగా ప్రేక్షకులను అలరించనుంది. 

Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని