The Family Man 3: ‘ది ఫ్యామిలీ మ్యాన్‌ 3’కు సన్నాహాలు

‘ది ఫ్యామిలీ మ్యాన్‌’ (The Family Man 3) దేశవ్యాప్తంగా ఎంతోమందిని ఆకట్టుకున్న వెబ్‌సిరీస్‌. ‘ది ఫ్యామిలీ మ్యాన్‌ 2’ కూడా అంతకుమించే అలరించింది. దీంతో ఈ సిరీస్‌లో మూడో సీజన్‌ కోసం అభిమానులు ఆసక్తిగా ఎదురుచూస్తున్నారు. తాజాగా ఈ సిరీస్‌లో ప్రధాన పాత్రధారి మనోజ్‌బాజ్‌పాయ్‌ (manoj bajpayee) స్పందించారు. ఈ సిరీస్‌ ఎప్పుడు మొదలుకాబోయేది చెప్పారు. ‘‘ది ఫ్యామిలీ మ్యాన్‌ 3’ని త్వరగా మొదలుపెట్టడానికి అమెజాన్‌ సిద్ధంగానే ఉంది. కానీ దర్శకుడు రాజ్‌, డీకేలతో పాటు నేను కూడా ఇతర ప్రాజెక్టులతో బిజీగా ఉన్నాను. ఈ ఏడాది చివరి వరకూ పరిస్థితి అలాగే ఉంటుంది. వచ్చే ఏడాది మొదట్లో సీజన్‌ 3ను మొదలుపెట్టడానికి ఏర్పాట్లు జరుగుతున్నాయి’’అని చెప్పారు. తొలి రెండు సిరీస్‌ల్లో నటించిన నటులతో పాటు ఈసారి పలువురు కొత్తవాళ్లు ఇందులో చేరనున్నట్లు సమాచారం.