RaviTeja: బాడీ లోకల్‌.. మైండ్‌ గ్లోబల్‌.. రవితేజ మాస్‌ సాంగ్‌

ఇంటర్నెట్‌ డెస్క్‌: రవితేజ (RaviTeja) హీరోగా దర్శకుడు త్రినాథరావు నక్కిన తెరకెక్కిస్తున్న చిత్రం ‘ధమాకా’ (Dhamaka). శ్రీలీల కథానాయిక. ఇటీవల చిత్రీకరణ పూర్తి చేసుకున్న ఈ సినిమా త్వరలోనే  విడుదలకానుంది. ప్రచారంలో భాగంగా చిత్ర బృందం ఈ సినిమాలోని రెండో పాటను శుక్రవారం విడుదల చేసింది. ‘మాస్‌ రాజా’ (Mass Raja) అంటూ సాగే ఈ గీతాన్ని రామజోగయ్య శాస్త్రి రచించగా, నకాశ్‌ అజీజ్‌ ఆలపించారు. భీమ్స్‌ సిసిరోలియో సంగీతం అందించారు. కథానాయకుడి వ్యక్తిత్వానికి ప్రతీకగా నిలిచే ఈ గీతంలోని ‘బాడీ లోకల్‌.. మైండ్‌ గ్లోబల్‌’ తదితర చరణాలు రవితేజ అభిమానుల్లో జోష్‌ నింపేలా ఉన్నాయి. ఈ లిరికల్‌ వీడియోలో చూపించిన కొన్ని క్లిప్పింగ్స్‌ను బట్టి రవితేజ ఈ పాటలో అదిరిపోయే స్టెప్పులు వేసినట్టు తెలుస్తోంది.