‘మాస్టర్‌’ చిట్టి స్టోరీ.. జాంబిరెడ్డి థీమ్‌ సాంగ్‌

హైదరాబాద్‌: విజయ్‌ కథానాయకుడిగా లోకేశ్‌ కనకరాజ్‌ దర్శకత్వంలో తెరకెక్కిన యాక్షన్‌ డ్రామా ‘మాస్టర్‌’. సంక్రాంతి కానుకగా విడుదలైన ఈ సినిమా అభిమానులను ఆకట్టుకుంది. ఇందులోని ‘చిట్టిస్టోరీ’ లిరికల్‌ సాంగ్‌ యువతను అలరించిన సంగతి తెలిసిందే. బుధవారం ఈ సాంగ్‌ ఫుల్‌ వీడియోను చిత్ర బృందం విడుదల చేసింది.

జాంబిరెడ్డి థీమ్‌ సాంగ్‌..

తేజ సజ్జా, ఆనంది కీలక పాత్రల్లో ప్రశాంత్‌ వర్మ దర్శకత్వంలో తెరకెక్కిన చిత్రం ‘జాంబిరెడ్డి’. తెలుగులో తొలి జాంబి చిత్రంగా ప్రేక్షకులను అలరించేందుకు సిద్ధమవుతోంది. ఈ నేపథ్యంలో ‘కొరుకు కొరుకు కొరుకుతా..’ అంటూ సాగే లిరికల్‌ వీడియోను చిత్ర బృందం అభిమానులతో పంచుకుంది. మామా సింగ్‌ సాహిత్యం అందించడమే కాక ఆయనే పాడారు. మార్క్‌ కె రాబిన్‌ స్వరాలు సమకూర్చారు. ఫిబ్రవరి 5న ఈ సినిమా ప్రేక్షకుల ముందుకు రానుంది.