Breaking | Feedback | E-PAPER | Pratibha

#Mentoo: థియేటర్లలో విడుదలైన 14 రోజుల్లోనే ఓటీటీలోకి.. నవ్వుల రైడ్‌కి సిద్ధమా?

పురుషులకు ఎలాంటి కష్టాలు ఉంటాయి? వాటి నుంచి బయటపడడం ఎలా? తదితర ఆసక్తికర అంశాలతో రూపొందిన చిత్రం.. మెన్‌టూ (#Mentoo). థియేటర్లలో ఇటీవల విడుదలై సందడి చేసిన ఈ సినిమా అతి త్వరలోనే ఓటీటీలోకి రానుంది.

Published : 02 Jun 2023 18:33 IST

ఇంటర్నెట్‌ డెస్క్‌: నరేశ్‌ అగస్త్య, వైవా హర్ష, బ్రహ్మాజీ, సుదర్శన్‌, రియా సుమన్‌, ప్రియాంక శర్మ తదితరులు ప్రధాన పాత్రలు పోషించిన చిత్రం ‘#మెన్‌టూ’ (#Mentoo). ‘బీయింగ్‌ ఏ మ్యాన్‌ ఈజ్‌ నాట్‌ ఈజీ’ అనేది ఉపశీర్షిక. మే 26 థియేటర్లలో విడుదలైన ఈ సినిమా ఓటీటీలోకి వచ్చేందుకు సిద్ధమైంది. జూన్‌ 9 నుంచి ఈ చిత్రం ఓటీటీ (ott) ‘ఆహా’ (aha)లో స్ట్రీమింగ్‌ కానుంది. సోషల్‌ మీడియా వేదికగా సదరు సంస్థ ఈ వివరాల్ని వెల్లడించింది. సినిమా స్టిల్‌ని షేర్‌ చేస్తూ.. ‘‘ప్రపంచ పురుషోత్తములారా.. ఈ బిగ్‌ అనౌన్స్‌మెంట్‌ మీ కోసమే’’ అంటూ క్యాప్షన్‌ పెట్టింది. పురుషుల కష్టాలు ఎలా ఉంటాయో చూపించే కథతో ఈ సినిమా రూపొందింది. హాస్యం ప్రధానంగా తెరకెక్కింది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.