Michael: సందీప్‌ కిషన్‌ ‘మైఖేల్‌’ టీజర్‌ వచ్చేసింది.. దేవుడవ్వాలనే ఆశ లేదు మాస్టర్‌!

ఇంటర్నెట్‌ డెస్క్‌: సందీప్‌ కిషన్‌ (Sundeep Kishan) హీరోగా నటిస్తున్న తొలి పాన్‌ ఇండియా చిత్రం ‘మైఖేల్‌’ (Machael). దివ్యాంశ కౌశిక్‌ కథానాయిక. రంజిత్‌ జయకోడి దర్శకత్వం వహిస్తున్నారు. త్వరలోనే ఈ చిత్రాన్ని విడుదల చేయనున్న నేపథ్యంలో ప్రచారాన్ని ప్రారంభించింది చిత్ర బృందం. ఈ క్రమంలో తెలుగు టీజర్‌ను నటుడు నాని (Nani) విడుదల చేయగా ఇతర భాషల్లో మరికొందరు తారలు రిలీజ్‌ చేసి, చిత్ర బృందానికి శుభాకాంక్షలు తెలిపారు. ‘మైఖేల్‌.. వేటాడటంరాని జంతువులే వేటాడే నోటికి చిక్కుతాయ్‌’ అనే సంభాషణతో ప్రారంభమైన టీజర్‌ ఆద్యంతం ఆసక్తిగా సాగింది. ఆ డైలాగ్‌కు దీటుగా సందీప్‌ ఇచ్చిన సమాధానం వావ్‌ అనిపించేలా ఉంది. సందీప్‌ లుక్‌, నటన చాలా కొత్తగా ఉన్నాయి. విజయ్‌ సేతుపతి, గౌతమ్‌ మేనన్‌, వరుణ్‌ సందేశ్‌, అనసూయ, వరలక్ష్మీ శరత్‌ కుమార్‌ తదితరులు విభిన్న పాత్రల్లో కనిపించారు. ఇంకెందుకు ఆలస్యం ఈ యాక్షన్‌ థ్రిలర్‌ టీజర్‌ను చూసేయండి...