Rana Miheeka: ఆ వార్తలపై రానా సతీమణి క్లారిటీ

నెటిజన్‌కు రిప్లై ఇచ్చిన మిహీక

హైదరాబాద్‌: సినిమా షూటింగ్‌లతో ఎప్పుడూ బిజీగా ఉండే రానా దగ్గుబాటి.. ఇటీవల తన సతీమణి మిహీకతో కలిసి ఓ ఫ్యామిలీ ఫంక్షన్‌లో పాల్గొన్నారు. బజాజ్‌ కుటుంబంలో జరిగిన పెళ్లి వేడుకల్లో వీరు సందడి చేశారు. దీనికి సంబంధించిన ఫొటోలను మిహీక ఇన్‌స్టా వేదికగా షేర్‌ చేశారు. ఆ ఫొటోలు చూసిన పలువురు నెటిజన్లు.. ‘క్యూట్‌ కపుల్‌’, ‘లవ్లీ పెయిర్‌’ అని కామెంట్లు చేశారు.

ఇదిలా ఉండగా మిహీక షేర్‌ చేసిన ఫొటోల్లో ఆమె కొంచెం బొద్దుగా ఉన్నట్లు గుర్తించిన నెటిజన్లు.. మిహీక ప్రెగ్నెంట్‌ అని, రానా త్వరలోనే గుడ్‌ న్యూస్‌ చెప్పనున్నారంటూ కామెంట్లు పెట్టారు. ఓ నెటిజన్‌ ఆమెను.. మీరు ప్రెగ్నెంటా?’’ అని ప్రశ్నించగా.. ‘‘అలా ఏం కాదు. వివాహం తర్వాత బరువు పెరగడం సాధారణమే కదా’’ అని రిప్లై ఇచ్చారు. మిహీక ఇచ్చిన సమాధానంతో ప్రెగ్నెన్సీ వార్తలకు చెక్‌ పడినట్లు అయ్యింది.