Modern Love: క్రేజీ మల్టీస్టారర్‌ సిరీస్‌.. ‘మోడర్న్‌ లవ్‌’ తెలుగు వెర్షన్‌ వచ్చేస్తోంది!

ఇంటర్నెట్‌ డెస్క్‌: విశేష ప్రేక్షకాదరణ పొందిన అమెరికన్‌ సిరీస్‌ల్లో ‘మోడర్న్‌ లవ్‌’ (Modern Love) ఒకటి. దీన్ని భారతీయ సినీ ప్రియులకు మరింత దగ్గర చేసేందుకు ‘అమెజాన్‌ ప్రైమ్‌ వీడియో’ (Amazon Prime Video) ప్రయత్నిస్తోంది. ఈ మేరకు ఇప్పటికే హిందీ ప్రేక్షకుల కోసం ‘మోడర్న్‌ లవ్‌: ముంబయి’ అనే సిరీస్‌ను తీసుకొచ్చింది. తెలుగు ప్రేక్షకుల కోసం ‘మోడర్న్‌ లవ్‌: హైదరాబాద్‌’ను రూపొందించింది. ఈ సిరీస్‌ జులై 8న విడుదల చేస్తున్నట్టు అమెజాన్‌ ప్రైమ్‌ ప్రకటించింది. ఈ సిరీస్‌లో ప్రముఖ నటులు సుహాసిని, రేవతి, ఆది పినిశెట్టి, నిత్యా మేనన్‌, మాళవికా నాయర్‌, రీతూ వర్మ, అభిజీత్‌ తదితరులు కీలక పాత్రలు పోషించారు. ప్రేమలోని విభిన్న పార్శ్వాలను తాకే ఈ కథకు నగేశ్‌ కుకునూర్‌, వెంకటేశ్‌ మహా, ఉదయ్‌ గుర్రాల, దేవిక దర్శకత్వం వహించారు. కోలీవుడ్‌ ప్రేక్షకుల కోసం ‘మోడర్న్‌ లవ్‌: చెన్నై’ త్వరలోనే రాబోతోంది.

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.