Marakkar Review: రివ్యూ: మరక్కార్-అరేబియా సముద్ర సింహం
Marakkar review: మోహన్లాల్ కీలక పాత్రలో నటించిన ‘మరక్కార్’ సినిమా ఎలా ఉందంటే?
చిత్రం: మరక్కార్- అరేబియా సముద్ర సింహం; నటీనటులు: మోహన్లాల్, సుహాసిని, ప్రణవ్ మోహన్లాల్, కల్యాణి ప్రియదర్శన్, కీర్తిసురేష్, అర్జున్ సర్జా, సునీల్శెట్టి, మంజు వారియర్, నెడుముడి వేణు తదితరులు; స్క్రీన్ప్లే: ప్రియదర్శన్, అని శశి, సంగీతం: రోనీ రాఫెల్; నేపథ్య సంగీతం: రాహుల్ రాజ్, అంకిత్ సూరి, లైల్ ఎవ్నాస్ రోడర్; ఛాయాగ్రహణం: తిరునావుక్కరసు; కూర్పు: అయ్యప్పన్ నాయర్; నిర్మాణం: ఆంటోనీ పెరంబవూర్; దర్శకత్వం: ప్రియదర్శన్; విడుదల: సురేష్ ప్రొడక్షన్స్; విడుదల తేదీ: 3-12-2021
మలయాళం తమిళ భాషల్లో రూపొందిన పాన్ ఇండియా చిత్రం ‘మరక్కార్’. విడుదలకి ముందే పలు జాతీయ అవార్డుల్ని సొంతం చేసుకుని, ప్రేక్షకుల దృష్టిని ప్రముఖంగా ఆకర్షించింది. ప్రచార చిత్రాల విడుదల తర్వాత ఈ సినిమాపై మరిన్ని అంచనాలు ఏర్పడ్డాయి. మోహన్లాల్కి తెలుగులో మంచి గుర్తింపు, మార్కెట్ ఉండటంతో ఈ చిత్రం తెలుగులోనూ అనువాదమైంది. ప్రముఖ నిర్మాణ సంస్థ సురేష్ ప్రొడక్షన్స్ ఈ సినిమాని విడుదల చేసింది. ‘బాహుబలి’ తరహా విజువల్స్తో ఆసక్తి రేకెత్తించిన ఈ సినిమా ఎలా ఉంది? అసలు ‘మరక్కార్’ కథ ఏంటి?
కథేంటంటే: 16వ శతాబ్దపు చారిత్రాత్మక పాత్ర అయిన కుంజలి మరక్కార్ ఆధారంగా రూపొందిన చిత్రమిది. సముద్ర యుద్ధ వ్యూహాల్లో ఆరితేరినవాడు, కడలిలో కనికట్టుతో అల్లాడించే మాంత్రికుడైన మహమ్మద్ అలీ అలియాస్ కుంజాలి మరక్కార్ (మోహన్లాల్). కొచ్చిన్పై పోర్చుగీసుల దాడికి వ్యతిరేకంగా సాగిన పోరాటానికి మరక్కార్లు వారి జీవితాల్నే అంకితం చేశారు. పోర్చుగీసు సైన్యంతో తన కుటుంబం మొత్తాన్ని కళ్ల ముందే చంపేస్తారు. అప్పట్నుంచి కుంజలి మరక్కార్ పరారీలో ఉంటాడు. పోర్చుగీస్పై ప్రతీకారం తీర్చుకుంటానని ప్రతిన బూనుతాడు. అదే సమయంలో కొచ్చిన్ రాజ్యాన్ని స్వాధీనం చేసుకోవడానికి పోర్చుగీస్ సైన్యం ప్రణాళిక రచిస్తుంది. సముద్రంలో వాళ్లని అడ్డుకోవడం కోసం మరక్కార్ సరైన వ్యక్తని నమ్మిన కొచ్చిన్ రాజు సమూతిరి (నెడుముడి వేణు) అతన్ని తన సముద్ర సైన్యానికి లెఫ్టినెంట్గా నియమిస్తాడు. మరి కుంజాలి మరక్కార్ పోర్చుగీసు వారితో సముద్రంలో ఎలా పోరాటం చేశాడు? అందులో గెలుపు సొంతమయ్యాక మరక్కార్ ఎవరి చేతుల్లో ఎలా మోసపోయాడనే విషయాలతో సినిమా సాగుతుంది.
ఎలా ఉందంటే: ఒక వీరోచిత యోధుడి కథ ఇది. అరుదైన సముద్ర నేపథ్యం కూడా ఈ కథకి ఉంది. కుంజాలి పోరాట పటిమ, అతని జీవితంలో ఆటుపోట్లు, మోస్ట్ వాంటెడ్ నేరగాడిగా ఉంటూ ధనవంతుల్ని కొట్టి పేదలకి పంచే మంచితనం, పోర్చుగీసుని గెలిచాక నమ్మి మోసపోయే తీరు... ఇలా కావల్సింత హీరోయిజం, డ్రామా, సెంటిమెంట్, కుట్రలకి తోడు సరికొత్త నేపథ్యం ఉన్న కథ ఇది. ఇలాంటి ఓ కథతో అద్భుతాలే సృష్టించవచ్చు. కానీ, చిత్రబృందం ఈ విషయాలపై ఏమాత్రం దృష్టిపెట్టలేదు. కేవలం సాంకేతికతపై ఆధారపడి సినిమాని తీసింది. విజువల్ ఎఫెక్ట్స్, కాస్ట్యూమ్స్ , పోరాట ఘట్టాలు మినహా సినిమాలో చెప్పుకోదగిన అంశాలేమీ లేవు. కథ పరంగా ఏ దశలోనూ రక్తికట్టించలేదు దర్శకుడు. భావోద్వేగాలు పండక, తదుపరి ఏం జరుగుతుందో అని సులభంగా ఊహకి అందేలాగానూ సినిమా ఆసాంతం చప్పగా సాగుతుంది. పేలవమైన రచన ఈ సినిమాకి శరాఘాతమైంది.
సినిమా మొదలై సగమైనా కొత్త పాత్రలు పుట్టుకొస్తూనే ఉంటాయి తప్ప, పరిచయమైన పాత్రలు ప్రభావమే చూపించవు. బోలెడంత మంది నటులు ఉన్నా సినిమాపై ఏ ఒక్కరూ ప్రభావం చూపించలేకపోయారు. మరక్కార్ పాత్రలో మోహన్లాల్ కూడా అంతంత మాత్రంగానే కనిపించారు. రెండు పోరాట ఘట్టాలు, విజువల్ ఎఫెక్ట్స్ ఆకట్టుకుంటాయంతే. చరిత్రని పుస్తకాల్లో చెప్పినట్టే చెబితే అందులో ప్రయోజనం ఏమీ ఉండదు. సినిమా అన్నప్పుడు కాస్తయినా ఆసక్తి రేకెత్తించాలి. ఎక్కడో ఒకచోట హృదయాల్ని బరువెక్కించాలి. ప్రతీ పాత్రలోనూ సంఘర్షణ ఉంటుంది. కానీ, ఆ సంఘర్షణ ఎక్కడా రక్తికట్టలేదు. జూనియర్ మరక్కార్, అతని ప్రేయసి పాత్రల్లో మోహన్లాల్ తనయుడు ప్రణవ్, దర్శకుడు ప్రియదర్శన్ కూతురు కల్యాణి ప్రియదర్శన్ కలిసి ఆరంభంలో చేసిన కొన్ని సన్నివేశాలు ఆకట్టుకుంటాయంతే. కీర్తిసురేష్, మంజు వారియర్కి చిన్న పాత్రల్లో మెరిశారంతే. అర్జున్ సర్జా, సునీల్శెట్టి తదితర ప్రముఖ నటులు ఉన్నప్పటికీ వారి పాత్రల్లోనూ, వారి పోరాటాల్లోనూ ఏమాత్రం బలం కనిపించలేదు. సీనియర్ దర్శకుడు ప్రియదర్శన్ ఆయన బృందం కథనం విషయంలో చేసిన కసరత్తలు సరిపోలేదు. ‘బాహుబలి’లాంటి చిత్రాల్లో సాంకేతికత ఎంతున్నా, అంతకంటే బలమైన భావోద్వేగాలు ఎక్కువగా ప్రభావం చూపించారు. ఈ సినిమాలో అక్కడే తప్పు జరిగింది. నిడివి కూడా ఇబ్బంది పెడుతుంది.
ఎవరెలా చేశారంటే: మోహన్లాల్ పోషించిన కుంజాలి పాత్రే సినిమాకి కీలకం. పోరాట ఘట్టాల్లో తన శక్తి మేరకు నటించారు. అయితే ‘మన్యంపులి’లో కనిపించినంత హుషారు ఇందులో కనిపించదు. భావోద్వేగ సన్నివేశాల్లో తన అనుభవాన్ని ఉపయోగించారు. ప్రణవ్, ప్రియదర్శిని జోడీ ఆకట్టుకుంటుంది. అర్జున్, సునీల్శెట్టి, నెడుముడి వేణు, సుహాసిని, ప్రభు పాత్రల పరిధి మేరకు నటించారు. కీర్తి సురేష్, మంజు వారియర్ అంత చిన్న పాత్రల్ని పోషించడానికి ఒప్పుకోవడం విశేషమే. సాంకేతికంగా సినిమా ఉన్నతంగా ఉంది. విజువల్ ఎఫెక్ట్స్ పాటు, సాబు సిరిల్ కళా ప్రతిభ అడుగడుగునా కనిపిస్తుంది. సంగీతం బాగుంది, తిరు కెమెరా పనితనం సినిమాకి మరింత వన్నె తెచ్చాయి. రచన పక్కాగా లేకపోతే ఏ విభాగం ఎంత ప్రతిభ చూపించినా ప్రయోజనం ఉండదని ఈ సినిమా నిరూపిస్తుంది. నిర్మాణం బాగుంది. ప్రియదర్శన్ కథనం పరంగా దృష్టిపెట్టుంటే ఈ సినిమా మరోస్థాయిలో ఉండేది.
బలాలు
+ కథా నేపథ్యం, పోరాట ఘట్టాలు
+ మరక్కార్ పాత్ర
+ ఛాయాగ్రహణం.. సంగీతం
బలహీనతలు
- కథనం
- భావోద్వేగాలు పండకపోవడం
చివరిగా: మరక్కార్... గాండ్రింపు లేని సముద్ర సింహం
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పుష్ప పుష్ప పుష్పరాజ్
‘పుష్ప2’ ప్రచార హంగామా ఊపందుకోనుంది. మే 1న తొలి పాటని విడుదల చేస్తున్నట్టు బుధవారం చిత్రబృందం ప్రకటించింది. ‘పుష్ప పుష్ప పుష్పరాజ్...’ అంటూ సాగే ఆ పాట ప్రోమోని విడుదల చేశారు. -
సర్దార్ 2 సన్నాహాలు
కార్తి.. పోలీసు అధికారిగా, రా ఏజెంటుగా తన నటనతో ప్రేక్షకులను ఆకట్టుకున్న చిత్రం ‘సర్దార్’. పీఎస్ మిత్రన్ తెరకెక్కించారు. దీనికి కొనసాగింపుగా ‘సర్దార్ 2’ రూపొందుతున్న సంగతి తెలిసిందే. -
రామోజీ ఫిల్మ్సిటీలో తమ్ముడు
నితిన్ కథానాయకుడిగా శ్రీ వెంకటేశ్వర క్రియేషన్స్ పతాకంపై తెరకెక్కుతున్న చిత్రం ‘తమ్ముడు’. సప్తమిగౌడ కథానాయిక. శ్రీరామ్ వేణు దర్శకత్వం వహిస్తున్నారు. దిల్ రాజు, శిరీష్ నిర్మాతలు. -
ఒక నటికి ఇంతకంటే ఏం కావాలి?
‘‘ప్రేక్షకుడికి ఒక మంచి సినిమాని ఇవ్వాలనే ఆలోచన తప్ప మిగతా ఏ రకమైన ఒత్తిడీ నాపైన ఉండదు. తెలుగు సినిమా.. నటిగా నాకు రెండో జీవితాన్నిచ్చింది. తెలుగు ప్రేక్షకులు నన్ను వాళ్ల సొంతం చేసుకున్నారు. -
గ్రామీణ ప్రేమకథ
పృథ్వీ కథానాయకుడిగా పాలిక్ శ్రీను దర్శకత్వంలో ఓ చిత్రం తెరకెక్కుతోంది. అంబిక, రూపాలి కథానాయికలు. దుర్గం రాజేశ్, రావుల రమేశ్, టి.ఎస్.రాజు సంయుక్తంగా నిర్మిస్తున్నారు. -
కనులెందుకో కలిసేనులే...
సుధీర్బాబు కథానాయకుడిగా తెరకెక్కుతున్న చిత్రం ‘హరోం హర’. ది రివోల్ట్.. అనేది ఉపశీర్షిక. మాళవిక శర్మ కథానాయిక. జ్ఞానసాగర్ ద్వారక దర్శకత్వం వహిస్తున్నారు. సుమంత్.జి నాయుడు నిర్మాత. -
ప్రేమిస్తే.. పూర్తిగా నమ్మేస్తా!
దాదాపు మూడేళ్ల విరామం తర్వాత ‘దో ఔర్ దో ప్యార్’తో ప్రేక్షకుల ముందుకొచ్చింది ఇలియానా. ‘దేవదాసు’లో భానుమతిగా తెలుగు ప్రేక్షకులకు ఎప్పుడో దగ్గరైన తను.. ఈ చిత్రంలో నటనకు మంచి మార్కులే కొట్టేసింది. -
యాక్షన్ రుచి చూపించే.. బేబీ జాన్
‘బేబీ జాన్’గా ప్రత్యర్థులకు తన యాక్షన్ రుచి చూపించేందుకు సిద్ధమవుతున్నాడు బాలీవుడ్ కథానాయకుడు వరుణ్ ధావన్. కాలీస్ దర్శకత్వంలో యాక్షన్ ఎంటర్టైనర్గా తెరకెక్కుతున్న చిత్రమే ‘బేబీ జాన్’. -
ఇది నా అదృష్టం: అమితాబ్
ప్రఖ్యాత గాయని లతా మంగేష్కర్ పేరుతో ఏర్పాటు చేసిన లతా దీనానాథ్ మంగేష్కర్ పురస్కారాన్ని బాలీవుడ్ నటుడు అమితాబ్ బచ్చన్ బుధవారం స్వీకరించారు. 2022లో మరణించిన లత జ్ఞాపకార్థం ఈ పురస్కారాన్ని ఏర్పాటు చేశారు. -
ఉత్తమ దర్శకుడు.. కరణ్ జోహార్
దర్శకనిర్మాత కరణ్జోహార్ ఈ ఏడాది మేటి దర్శకుడి పురస్కారానికి ఎంపికయ్యారు. బుధవారం దిల్లీలో.. ఆల్ ఇండియా మేనేజ్మెంట్ అసోసియేషన్ (ఏఐఎంఏ) ఆధ్వర్యంలో నిర్వహించిన తొమ్మిదో లీడర్షిప్ కాన్క్లేవ్లో భారత ఉపరాష్ట్రపతి... -
ఎన్నికల బరిలో ‘పొలిమేర’ నటి..
‘పొలిమేర’ నటి స్వతంత్ర అభ్యర్థిగా ఎన్నికల్లో పోటీ చేయనున్నారు. -
‘నో యాడ్స్..’ ఇక కేవలం సినిమాలే!: పీవీఆర్ ఐనాక్స్ నిర్ణయం
పీవీఆర్ ఐనాక్స్ సంస్థ కీలక నిర్ణయం తీసుకుంది. ‘యాడ్ ఫ్రీ’ విధానంలో సినిమాలు ప్రదర్శించనున్నట్లు తెలిపింది. -
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)
-
ఎన్నికల బరిలో ‘పొలిమేర’ నటి..
-
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!