Mohan lal: మోహన్‌లాల్‌ ‘12th మ్యాన్‌’ ఓటీటీలో రానుందా?

ఇంటర్నెట్‌డెస్క్‌: మోహన్‌లాల్‌(Mohan lal) కీలక పాత్రలో నటించిన మిస్టరీ థ్రిల్లర్‌ ‘12th మ్యాన్‌’. జీతూ జోసెఫ్‌ దర్శకుడు. ఇప్పటికే చిత్రీకరణ పూర్తి చేసుకున్న ఈ సినిమా విడుదలకు సిద్ధమవుతోంది. ఈ  క్రమంలో ఓ వార్త సామాజిక మాధ్యమాల వేదికగా చక్కర్లు కొడుతోంది. ‘12th మ్యాన్‌’ను నేరుగా ఓటీటీలో విడుదల చేయాలని చిత్ర బృందం భావిస్తోందట. త్వరలోనే ఇందుకు సంబంధించిన అధికారిక ప్రకటన వెలువడ నుంది. మార్చిలో ప్రముఖ ఓటీటీ డిస్నీ+హాట్‌స్టార్‌ వేదికగా ‘12th మ్యాన్‌’ స్ట్రీమింగ్‌కు అవకాశం ఉంది. ‘దృశ్యం’, ‘దృశ్యం2’ చిత్రాలతో ప్రేక్షకులను అలరించారు మోహన్‌లాల్‌-జీతూ జోసెఫ్‌. ఇప్పుడు వీరి కాంబినేషన్‌లో మరో చిత్రం వస్తుందంటే అంచనాలు భారీగా ఉంటాయి.