Mohanlal AamirKhan: ఆమిర్‌- మోహన్‌లాల్‌ ఫొటో వైరల్‌.. అందుకే కలిశారా?

ఇంటర్నెట్‌ డెస్క్‌: బాలీవుడ్‌ నటుడు ఆమిర్‌ఖాన్‌, మలయాళ నటుడు మోహన్‌లాల్‌ కలిసి దిగిన ఫొటో అందరి దృష్టిని ఆకర్షిస్తోంది. ప్రస్తుతం ఈ పిక్‌ నెట్టింట వైరల్‌గా మారింది. కళ్లజోడు, గళ్ల చొక్కాతో ఆమిర్‌.. టోపీ, నీలి రంగు టీ షర్టుతో మోహన్‌లాల్‌ స్టైలిష్‌గా కనిపించి, అభిమానులతో ‘వావ్‌’ అనిపించేలా ఉన్నారు. ఈ ఫొటోపై ఇప్పటికే కొందరు నెటిజన్లు స్పందించారు. ‘ఒకే ఫ్రేమ్‌లో ఇద్దరు లెజెండ్స్‌’, ‘పిక్చర్ అదిరింది’ అంటూ కామెంట్లు పెట్టారు. మరోవైపు, ఈ ఇద్దరి కాంబినేషన్‌లో ఓ ప్రాజెక్టు తెరకెక్కే అవకాశాలున్నాయని, అందుకే కలిశారనే వార్తలు సినీ వర్గాల్లో చక్కర్లు కొడుతున్నాయి. నిజమా, కాదా? అనే విషయం తెలియాలంటే అధికారిక ప్రకటన రావాల్సిందే.

ఆమిర్‌ఖాన్‌ నటించిన ‘లాల్‌సింగ్‌ చద్ధా’ ఆగస్టు 11న విడుదలకానుంది. అద్వైత్‌ చందన్‌ దర్శకత్వంలో రూపొందిన ఈ సినిమాలో టాలీవుడ్‌ హీరో నాగచైతన్య కీలక పాత్ర పోషించారు. కరీనా కపూర్ కథానాయిక. షారుక్‌ ఖాన్‌, అక్షయ్‌ కుమార్‌ అతిథి పాత్రల్లో కనిపించనున్నారు. ఈ చిత్రాన్ని ఆమిర్‌ఖాన్‌ ప్రొడక్షన్స్‌, వయాకామ్ 18 స్టూడియోస్, పారామౌంట్‌ పిక్చర్స్‌ సంస్థలు సంయుక్తంగా నిర్మించాయి. మరోవైపు ‘12th మ్యాన్‌’, ‘ఎలోన్‌’ తదితర చిత్రాలతో మోహన్‌లాల్‌ బిజీగా ఉన్నారు.