రివ్యూ: దృశ్యం2(మలయాళం)
మోహనల్లాల్ కీలక పాత్రలో జీతూ జోసెఫ్ తెరకెక్కించిన ‘దృశ్యం2’ ఎలా ఉందంటే?
వైవిధ్యమైన పాత్రలు, కథలు ఎంచుకుంటూ యువ కథానాయకులతో పోలిస్తే, ఒక అడుగు ముందుంటారు మలయాళ స్టార్ హీరో మోహన్లాల్. ఆయన కీలక పాత్రలో 2013లో వచ్చిన సూపర్హిట్ ఫిల్మ్ ‘దృశ్యం’. థ్రిల్లర్ మూవీగా ప్రేక్షకులను ఆకట్టుకున్న ఆ సినిమా బాక్సాఫీస్ వద్ద భారీ విజయాన్ని అందుకోవడమే కాకుండా, ఇతర భాషల్లోనూ కాసుల వర్షాన్ని కురిపించింది. దానికి కొనసాగింపుగా వచ్చిన తాజా చిత్రం ‘దృశ్యం2’. తాజాగా అమెజాన్ ప్రైమ్ వేదికగా విడుదలైంది. ఇందులో మోహనలాల్కు ఎదురైన సమస్య ఏంటి? కుటుంబం కోసం దాన్ని ఎలా అధిగమించాడు? మొదటి సినిమాతో పోలిస్తే, సీక్వెల్ ఆకట్టుకుందా?
కథేంటంటే: వరుణ్ కనిపించకుండా పోయిన కేసు నుంచి బయటపడిన జార్జ్ కుట్టి (మోహన్లాల్) కుటుంబం ఉన్నత జీవితాన్ని గడుపుతూ ఉంటుంది. కేబుల్ టీవీ ఆపరేటర్ స్థాయి నుంచి థియేటర్ ఓనర్గా, ఓ సినిమాను నిర్మించే స్థాయికి ఎదుగుతాడు జార్జ్. అయితే వరుణ్ కేసు తాలూకు భయాలు మాత్రం ఆయన కుటుంబాన్ని వెంటాడుతూనే ఉంటాయి. పోలీసులు ఎక్కడ కనిపించినా జార్జ్ భార్య రాణి (మీనా), పిల్లలు అంజు, అనుమోల్ (అన్సిబా, ఏస్తర్ అనిల్) భయంతో వణికిపోతుంటారు. పెద్ద కుమార్తె తీవ్ర మానసిక ఒత్తిడితో భయపడిపోతుంటుంది. అలాంటి పరిస్థితుల్లో ఆమెకు వివాహం చేస్తే ఆరోగ్యం కుదట పడుతుందని జార్జ్ కుటుంబం భావిస్తుంది. మరోవైపు వరుణ్ను జార్జే చంపి ఉంటాడని ఊళ్లో చాలా మంది అనుకుంటూ ఉంటారు. పోలీసులకు అదే అనుమానం ఉన్నా, ఎలాంటి ఆధారాలు లభించకపోవడంతో ఆ కేసును సీక్రెట్గా విచారిస్తుంటారు. అదే సమయంలో ఐజీ థామస్ బాస్టిన్ (మురళీ గోపీ) ఆ కేసును రీఓపెన్ చేస్తాడు. అప్పుడు జార్జ్ ఏం చేశాడు? కేసు రీఓపెన్తో జార్జ్ భార్య, పిల్లలు ఎలాంటి పరిస్థితులు ఎదుర్కొన్నారు? ఈ కేసు నుంచి బయటపడ్డారా? తెలియాలంటే సినిమా చూడాల్సిందే!
ఎలా ఉందంటే: ఒక సినిమా సీక్వెల్, లేదా ప్రీక్వెల్ తీయడం మామూలు విషయం కాదు. అదే విజయవంతమైన చిత్రమైతే అంచనాలు భారీగా ఉంటాయి. తొలి చిత్రాన్ని దృష్టిలో పెట్టుకుని ప్రతి సన్నివేశాన్ని పోల్చి చూస్తుంటాడు ప్రేక్షకుడు. ‘దృశ్యం’లాంటి సినిమాకు సీక్వెల్ అంటే అంచనాలు కాస్త ఎక్కువగానే ఉంటాయి. వాటన్నింటినీ దృష్టిలో పెట్టుకుని ప్రేక్షకుడి అంచనాలకు ఏమాత్రం తగ్గకుండా కథ, కథనాలను సిద్ధం చేసుకున్నాడు దర్శకుడు జీతూ జోసెఫ్. వరుణ్ మిస్సింగ్ కేసు పూర్తయి ఆరేళ్లు అయిన తర్వాత నుంచి కథను మొదలు పెట్టిన దర్శకుడు ఆ కేసు భయాలతో జార్జ్ భార్య, పిల్లలు ఎలాంటి మానసిక ఒత్తిడిని ఎదుర్కొంటున్నారన్నది చూపించాడు. ఇందుకోసం కాస్త ఎక్కువ సమయాన్నే తీసుకున్నాడు. ఆయా సన్నివేశాలు కాస్త సాగదీతగా అనిపిస్తాయి.
వరుణ్ కేసును పోలీస్శాఖ సీక్రెట్గా ఇన్వెస్టిగేట్ చేస్తున్నట్లు తెలియడంతో ప్రేక్షకుడిలో ఉత్కంఠ మొదలవుతుంది. అక్కడ దర్శకుడు ఇచ్చిన ట్విస్ట్ను ఎవరూ ఊహించరు. హత్య జరిగిన తర్వాత జార్జ్ ఏం చేశాడన్న దానిపై పోలీసుశాఖ విచారణ మొదలుపెడుతుంది. అక్కడి నుంచి తెరపై కథ, కథనాల్లో, సినిమా చూస్తున్న పేక్షకుడి గుండెల్లో వేగం పెరుగుతుంది. వరుణ్ కేసు నుంచి ఈసారి జార్జ్ తన కుటుంబాన్ని ఎలా రక్షించుకుంటాడన్న ప్రశ్న ప్రేక్షకుడిని వెంటాడుతూ ఉంటుంది. పోలీసుల నుంచి తప్పించుకోవడానికి జార్జ్ వేసే ఎత్తులు, పైఎత్తులతో ఉత్కంఠతో సాగిపోతుంటుంది. ముఖ్యంగా చివరి గంటలో మలుపులు ప్రేక్షకుడిని మునివేళ్లపై నిలబెడతాయి. కోర్టు సన్నివేశాలన్నీ అలరిస్తాయి.
ఎవరెలా చేశారంటే: జార్జ్ కుట్టి పాత్రలో మోహన్లాల్ ఎలా ఒదిగిపోయారో మొదటి చిత్రంలోనే నిరూపించారు. ఆ మెరుపులను ఇందులోనూ కొనసాగించారు. జార్జ్ భార్యగా మీనా, కుమార్తెలుగా అన్సిబా, ఏస్తర్లు తమ పరిధి మేరకు నటించారు. మొదటి భాగంలో లేని కొన్ని పాత్రలు ఇందులో వచ్చాయి. వారంతా తమ తమ పాత్రల్లో ఒదిగిపోయారు. సాంకేతికంగా సినిమా ఉన్నతంగా ఉంది. కరోనా కారణంగా ఓటీటీని దృష్టిలో పెట్టుకుని అతి తక్కువ మంది నటులతో, ప్రదేశాలతో సినిమా తీర్చిదిద్దినట్లు అర్థమవుతోంది. సతీశ్ కురూప్ సినిమాటోగ్రఫీ చక్కగా కుదిరింది. సన్నివేశానికి తగినట్లు ప్రతి ఫ్రేమ్ను అందంగా, ఉత్కంఠగా తీర్చిదిద్దాడు. అనిల్ జాన్సన్ నేపథ్య సంగీతం సినిమాకు హైలైట్. వి.ఎస్. వినాయక్ ఎడిటింగ్ పర్వాలేదు. మలయాళ ప్రేక్షకులను దృష్టిలో పెట్టుకునే సినిమా నిడివిని వదిలేసి ఉంటారు.
దర్శకుడు జీతూ జోసెఫ్ ‘దృశ్యం2’ను సవాల్గా తీసుకుని తెరకెక్కించారు. ఎందుకంటే సాధారణంగా క్రైమ్ థ్రిల్లర్ సీక్వెల్స్లో ఒక సినిమాలో ఒక కేసు గురించి పరిశోధిస్తే, మరో సినిమాలో ఇంకో కేసును కథానాయకుడు ఎలా ఛేదించాడన్నది చూపించడానికి ఆస్కారం ఉంటుంది. కానీ, ‘దృశ్యం’లో ముగిసిన కేసును రీఓపెన్ చేస్తే, దాన్ని కథానాయకుడు ఎలా ఎదుర్కొన్నాడన్నది ఆసక్తికరంగా తీర్చిదిద్దాడు. వరుణ్ కేసు తాలూకా భయాలతో జార్జ్ కుటుంబం ఎలా ఉందనే విషయాన్ని చూపించడానికి కాస్త ఎక్కువ సమయమే తీసుకున్నా, ద్వితీయార్ధంలో కథ, కథనాలను పరుగులు పెట్టించిన విధానం మెప్పిస్తుంది. మోహన్లాల్లాంటి నటుడి సినిమాను ఓటీటీకే ఎందుకు పరిమితం చేశారో తెలియదు. థియేటర్లో విడుదల కావాల్సిన అన్ని కమర్షియల్ హంగులు ఈ సినిమాకు ఉన్నాయి.
బలాలు | బలహీనతలు |
+ కథ, కథనం | - ప్రథమార్ధంలో కొన్ని సన్నివేశాలు |
+ మోహన్లాల్ | |
+ దర్శకత్వం |
చివరిగా: ‘దృశ్యం’కు పర్ఫెక్ట్ సీక్వెల్ ‘దృశ్యం2’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే?
తాజా వార్తలు (Latest News)
-
ప్రైవేటు ఆస్పత్రిలో తెగిపడిన లిఫ్ట్.. 9 మందికి తీవ్ర గాయాలు
-
సీపీఎం కార్యాలయానికి భట్టి విక్రమార్క.. లోక్సభ ఎన్నికల్లో మద్దతుపై చర్చ
-
2026 నాటికి ఎయిర్ట్యాక్సీలు.. 7 నిమిషాల్లో 27 కిలోమీటర్లు!
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
20లక్షల ఉద్యోగాలు ఇచ్చే బాధ్యత నాది: చంద్రబాబు