Updated : 24 Jan 2022 09:30 IST

మానవత్వాన్ని చాటుకున్న సంగీత దర్శకుడు పీఆర్‌

హైదరాబాద్‌: తలపై పెరిగే జుట్టు కొద్ది రోజులు మనకు చికాకుగా అనిపించినా ఎదుటి వారికి ఆనందాన్ని ఇస్తుందంటే నమ్ముతారా? అవును..! మనం ఇష్టంగా బాగా పెంచే జుట్టు మరొకరికి ఆనందాన్ని, అందాన్ని ఇస్తుంది. ఇదే విషయాన్ని రుజువు చేశారు ప్రముఖ యువ సంగీత సంచలనం పీఆర్‌. ‘నల్లమల’ చిత్రంలో ‘ఏమున్నావే పిల్ల’ పాటతో సినీ సంగీత ప్రపంచంలో మంచి గుర్తింపు తెచ్చుకొని వరుస సినిమాలతో బిజీగా ఉన్న పీఆర్‌.. కొన్నాళ్లుగా తన జుట్టును పెంచారు. సినిమా వాళ్లు పనిలోపడి ఇలాగే పెంచుతారని కొందరు, ఇలా ఒత్తుగా, పొడవుగా ఫ్యాషన్‌గా పెంచుకోవడం అలవాటని మరికొందరు అభిప్రాయపడ్డారు.

కానీ, ఆ అభిప్రాయాలను తలకిందులు చేస్తూ ఒక మంచిపని కోసం PR జుట్టు పెంచారు. క్యాన్సర్‌తో బాధపడుతున్న రోగులు తమ జుట్టు కోల్పోతారు. వారికి ఆ బాధ తెలియకుండా హైదరాబాద్‌లోని హైదరాబాద్ హెయిర్ డొనేషన్ అనే స్వచ్చంద సంస్థ.. చాలా రోజుల నుంచి జుట్టును సేకరిస్తోంది. అలా సేకరించిన వాటిని విగ్గులుగా తయారుచేసి క్యాన్సర్ బాధితులకు అందిస్తోంది. ఈ క్రమంలోనే పీఆర్‌ కూడా క్యాన్సర్ బాధితులను ఆదుకునేందుకు తన జుట్టును దానం చేశారు. తన వంతు ఈ చిన్న సహాయం చేయడం ఎంతో తృప్తిగా ఉందని పీఆర్‌ అన్నారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని