Music School: మ్యూజిక్‌ స్కూల్‌లో...

శర్మాన్‌జోషి, శ్రియా శరణ్‌ జంటగా రూపొందుతున్న చిత్రం ‘మ్యూజిక్‌ స్కూల్‌’. పాపారావు బియ్యాల దర్శకత్వం వహిస్తున్నారు. ఇళయరాజా సంగీత సారథ్యం వహిస్తున్నారు. హైదరాబాద్‌లో మూడో షెడ్యూల్‌ చిత్రీకరణని పూర్తి చేసినట్టు సినీ వర్గాలు తెలిపాయి. దర్శకుడు మాట్లాడుతూ ‘‘మెరీ డిక్రూజ్‌గా శ్రియ, మనోజ్‌గా శర్మాన్‌ జోషి నటిస్తున్నారు. వాళ్ల పాత్రలు కళలు, సంగీతం, సంస్కృతి, విద్యపై ప్రభావం చూపించేలా ఉంటాయి. కొత్త ఏడాదిలో కొత్త ఉత్సాహంగా ప్రారంభమైన మూడో షెడ్యూల్‌ చిత్రీకరణ విజయవంతంగా పూర్తయింది. పలు జాగ్రత్తలు తీసుకుని చిత్రీకరణ చేశాం’’ అన్నారు. ఈ చిత్రాన్ని తెలుగుతోపాటు, హిందీలోనూ తెరకెక్కిస్తున్నారు. షాన్‌, సుహాసిని ములై, ప్రకాష్‌రాజ్‌, బెంజమిన్‌ గిలాని, శ్రీకాంత్‌ అయ్యంగార్‌, వినయ్‌ వర్మ తదితరులు నటిస్తున్నారు.