రాజగోపాల్‌ ఎవరో నాకు తెలీదు: నరేశ్‌‌

జీవితం ఇప్పుడే మొదలైంది అంటోన్న నటుడు

హైదరాబాద్‌: ‘అందరూ నా జీవితం ఇక్కడితో అయిపోయింది అనుకుంటున్నారు. కాదు ఇప్పుడే మొదలైంది’ అని అంటున్నారు నటుడు అల్లరి నరేశ్‌‌. ఆయన కథానాయకుడిగా నటిస్తున్న చిత్రం ‘నాంది’. విజయ్‌ కనకమేడల దర్శకత్వం వహిస్తున్న ఈ సినిమా ట్రైలర్‌ను తాజాగా మహేశ్‌బాబు సోషల్‌మీడియా వేదికగా విడుదల చేశారు. క్రైమ్‌, థ్రిల్లింగ్‌ కథాంశంతో రూపుదిద్దుకుంటోన్న ఈ సినిమా ట్రైలర్‌ ఆకట్టుకుంటోంది.

‘రాజగోపాల్‌ గారిని నేను మర్డర్‌ చేయడం ఏమిటి సర్‌. ఇప్పటివరకూ రాజగోపాల్‌ గురించి వినడం తప్పా ఆయన గురించి నాకేం తెలీదు’ అంటూ నరేశ్‌‌ చెప్పే డైలాగులతో ప్రారంభమైన ఈ ట్రైలర్‌ ఉద్వేగభరితంగా కొనసాగింది. నరేశ్‌‌ నిజంగానే రాజగోపాల్‌ అనే వ్యక్తిని హత్య చేశారా? లేక చేయని తప్పుకు జైలు శిక్ష అనుభవించాడా? అసలింతకీ ఈ రాజగోపాల్‌ ఎవరు? అతనితో నరేశ్‌‌కు ఉన్న సంబంధం ఏమిటి? ఇలాంటి ఆసక్తికర విషయాలు తెలియాలంటే కొంతకాలం వేచి చూడాల్సిందే. వరలక్ష్మి శరత్‌కుమార్‌, ప్రియదర్శి, హరీశ్‌‌.. తదితరులు ఈ సినిమాలో కీలకపాత్రలు పోషిస్తున్నారు. ఫిబ్రవరి 19న ఈసినిమా ప్రేక్షకుల ముందుకు రానుంది.

ఇవీ చదవండి

భర్తతో విడిపోవడం బ్రేకప్‌లా ఉంది: శ్వేతాబసుప్రసాద్‌

నీ పవర్‌ ఇప్పుడు వాడు: మంచులక్ష్మి